‘डुवान र कटानको सवाल हाम्रो प्राथमिकतामा छ’- शुधान्सु कोइराला

समाचार

गृहपृष्ठ
समाचार
‘डुवान र कटानको सवाल हाम्रो प्राथमिकतामा छ’- शुधान्सु कोइराला

‘डुवान र कटानको सवाल हाम्रो प्राथमिकतामा छ’- शुधान्सु कोइराला

मंगलबार, फागुन ५, २०८२ बागेश्वरी पोस्ट

(डुडुवा, बाँके) । नेपाली कांग्रेसको बाँके क्षेत्र नम्बर २ का उम्मेदवार शुधान्सु कोइरालाले राप्ती नदिका कारण उत्पन्न डुवान र कटानको सवाल प्राथमिकतामा रहेको उद्घोष गरेका छन् । डुडुवा गाउँपालिका वडा नम्बर २ बेतहनी चोकमा मंंगलबार आयोजित नेपाली कांग्रेस वडा स्तरिय भेलालाई सम्बोधन गर्दै कोइरालाले सो कुरा बताएका हुन् । राप्तीको बाढीका कारण वर्षौदेखि खेती योग्य जमीन डुवान र कटान भइरहेको भन्दै उनले डुबान नियन्त्रण र कटान रोकथामका लागि आवश्यक पहलकदमी लिने विश्वास दिलाए । युवा नेता कोइरालाले डुडुवाको समग्र समस्याबारे आफू जानकार मात्र नभई संवेदनशील र जिम्मेवार रहने समेत दाबी गरे ।

उनले डडुवाको कृषि उत्पादन वृद्धिका लागि उचित सिंचाई र मलखादको व्यवस्थाका लागि समेत आफू प्रतिवद्ध रहेको बताए । राजनीतिमा संस्कार र इमान्दारिता पनि जरुरी रहेको बताउँदै उनले आफू त्यो संस्कारबाट दिक्षित भएको उल्लेख गरे । समाजसेवा गर्नका लागि राजनीतिमा आएकाले जनताको हरेक सवालमा आफू समर्पित रहने उनको जिकिर थियो । उनले भने–‘यहाँहरुले विश्वास गरेर मलाई सांसदमा जिताउनुस्, त्यो विश्वासलाई म शीरोधार्य गर्नेछु ।’ अनेकन स्वार्थले पार्टीहरु खोल्ने, टुट्ने र फुट्ने भइरहेको प्रसंग कोट्याउँदै उनले भने–नेपाली कांग्रेसप्रति जनताको अपार विश्वास र माया रहेकाले आफू जित्नेमा विश्वस्त छु ।

नेपाली काँग्रेस महासमिति सदस्य राजकुमार बर्माले जनताको समस्या काँग्रेसले नै सम्वोधन गर्न सक्ने भन्दै युवा उम्मेदवार कोइरालालाई जिताउने अवसर नगुमाउन आह्वान गरे । कार्यक्रमका प्रमुख अतिथि समेत रहेका बर्माले अन्य दलका झुठा आश्वासनमा विश्वास नगर्न पनि अपील गरे । यस्तै नेपाली काँग्रेस महासमिति सदस्य नरेन्द्र चौधरीले पुरानो र भरपर्दो पार्टी काँग्रेस मात्रै भएकाले काँग्रेसकै उम्मेदवारलाई जिताउन अनुरोध गरे । नेपाली काँग्रेस वडा नम्बर २ का सभापति रामकुमार गोडियाको सभापत्विमा सम्पन्न कार्यक्रममा नेपाली काँग्रेस प्रदेश (क) सभापति ज्ञानेन्द्र चौधरीले स्वागत मन्त्व्य व्यक्त गरेका थिए । कार्यक्रममा नेपाली काँग्रेस बाँकेका पूर्व सभापति किरण कोइराला लगायतको ठूलो उपस्थिति रहेको थियो ।

प्रकाशित मिति: मंगलबार, फागुन ५, २०८२ १८:५७

प्रतिक्रिया दिनुहोस्