नेपालगन्जमा पाँच दिने बाणिज्य कानुन विशिष्टिकृत तालिम सुरु

समाचार

गृहपृष्ठ
समाचार
नेपालगन्जमा पाँच दिने बाणिज्य कानुन विशिष्टिकृत तालिम सुरु

नेपालगन्जमा पाँच दिने बाणिज्य कानुन विशिष्टिकृत तालिम सुरु

मंगलबार, फागुन ५, २०८२ बागेश्वरी पोस्ट

नेपालगन्ज । नेपालगन्जमा पाँच दिने बाणिज्य कानुन विशिष्टिकृत तालिम सुरु भएको छ । तालिमको प्रमुख अतिथि नेपाल बार एसोसिएसन तथा लयर्स एकेडेमीका अध्यक्ष वरिष्ठ अधिवक्ता प्रा.डा. विजय प्रसाद मिश्रले उद्घाटन गरे । कानुन व्यवसायीहरूको क्षमता अभिवृद्धि गर्न तालिमको आयोजना गरिएको हो । कार्यक्रमका प्रमुख अतिथि नेपाल बार एसोसिएसन तथा लयर्स एकेडेमीका अध्यक्ष वरिष्ठ अधिवक्ता प्रा.डा. मिश्रले बाणिज्य कानुनको प्रभावकारी अभ्यासले आर्थिक गतिविधि, लगानी वातावरण र व्यवसायिक विश्वास बढाउन सहयोग पुग्ने बताए । बाँके जिल्ला अदालतका न्यायाधीश दीपक कुमार दाहालले व्यापारिक विवाद समाधानमा विशेषज्ञ कानुनी ज्ञानको आवश्यकता बढ्दै गएको उल्लेख गरे ।

नेपाल कानुन व्यवसायी परिषदका लुम्बिनी पार्षद इश्वरी प्रसाद ज्ञवालीले तालिमको उद्देश्यबारे प्रकाश पार्दै बाणिज्य कानुनसम्बन्धि ज्ञान र अभ्यासलाई समयानुकूल बनाउन आवश्यक रहेको बताए । कार्यक्रममा वरिष्ठ अधिवक्ता भोला सिंह हमाल, उच्च अदालत तुलसीपुर नेपालगन्ज इजलासका रजिस्ट्रार इन्द्र बहादुर कार्की, महेन्द्र बहुमुखी क्याम्पस नेपालगन्ज कानुन संकाय प्रमुख निरन्जन ज्ञवाली, नेपाल राष्ट्र बैंकका उपनिर्देशक डा. जुगल किशोर कुशबाह, आन्तरिक राजश्व कार्यालय नेपालगन्जका प्रमुख पुर्ण न्यौपाने, अडिटर्स एसोसिएसन अफ नेपाल बाँकेका उपाध्यक्ष प्रकाश लामिछाने, नेपालगन्ज उद्योग वाणिज्य संघका अध्यक्ष टंक बहादुर धामी, उच्च अदालत तुलसीपुर बारका अध्यक्ष मधुसुदन गौतम, बर्दिया जिल्ला अदालत बार एसोसिएसनका अध्यक्ष खडानन्द तिवारी तथा नेपाल पत्रकार महासंघ बाँकेका अध्यक्ष नवीन गिरीले आ–आफ्ना धारणा राखेका थिए ।

तालिम उद्घाटन कार्यक्रममा स्वागत मन्तव्य बाँके जिल्ला अदालत बार एसोसिएसन अध्यक्ष मेहर सिंह खत्रीले ब्यक्त गरेका थिए भने कार्यक्रमको सञ्चालन उच्च अदालत नेपालगन्ज बारका सचिव कुश्मा सुवेदीले गरेकी थिइन् । पाँच दिनसम्म सञ्चालन हुने तालिममा बाणिज्य कानुनका विभिन्न पक्ष, समसामयिक कानुनी अभ्यास तथा व्यवसायिक विवाद समाधानका विषयमा प्रशिक्षण प्रदान गरिनेछ ।