टुर डे ठाकुरद्वाराको आठौं संस्करण फागुन ८ र ९ गते

स्थानीय

गृहपृष्ठ
स्थानीय
टुर डे ठाकुरद्वाराको आठौं संस्करण फागुन ८ र ९ गते

टुर डे ठाकुरद्वाराको आठौं संस्करण फागुन ८ र ९ गते

मंगलबार, फागुन ५, २०८२ बागेश्वरी पोस्ट

नेपालगन्ज । पश्चिम नेपालका पर्यटकीय स्थलहरुको प्रचारप्रसारका लागि टुर डे ठाकुरद्वाराको आठौं संस्करण आयोजना हुँदैछ । नेपालगन्ज साइक्लिङ्ग क्लबको आयोजनामा फागुन ८ र ९ गते टुर डे ठाकुरद्वाराको आठौं संस्करण हुने भएको हो । नेपालगन्जमा आज पत्रकार सम्मेलन गरेर आयोजक नेपालगन्ज साइक्लिङ्ग क्लबले प्रतियोगिताको तयारीबारे जानकारी दिएको हो ।

कार्यक्रम संयोजक प्रदीप सापकोटाले उक्त इभेन्टमा २५५ बढी महिला(पुरुष साइकल(यात्रीहरुको सहभागिता रहने जानकारी दिए । यसमा भारतीय २० जना रहने सापकोटाले जानकारी दिए । सापकोटाका अनुसार इभेन्टको रुट बागेश्वरी मन्दिर परिसरबाट सुरु भई त्रिभुवन चोक, वीपी चोक, सुर्खेत रोड हुँदै बाँकेको कम्दी, कोहलपुर, चप्परगौडी, खड्कवार हात्तीसार, बाँके निकुञ्ज, सुतैया ताल भएर गाभर भ्यालीमा पुग्नेछ । टोलीले त्यहाँ विश्राम लिई दोस्रो दिनको यात्रा च्यामा चोक, सम्झना चोक, मान खोला हुँदै ओम केदारेश्वर धाम बाँसगढी, सतखलुवा, बैदी, बबई भुरीगाउँ भएर ठाकुरद्वारा मन्दिरसम्मको १३० किलोमिटरको यात्रा पार गर्नेछ ।

इभेन्टको मुख्य प्रायोजकको रुपमा बिवाइडी रहेको छ । नेपालगञ्ज साइक्लिंग क्लबले फागुन ७ गते सिद्धार्थ नेपालगञ्ज किड्स फेस्टिबल २०८२ पनि आयोजना गर्दैछ । कार्यक्रमको अध्यक्षता नेपालगञ्ज साइक्लिंग क्लबका अध्यक्ष कबिराम बुढाथोकीले गरेका थिए भने स्वागत मन्तब्य प्रथम उपाध्यक्ष सुनिल सिंह हमालले ब्यक्त गरेका थिए । । पत्रकार सम्मेलनमा नेपाल पत्रकार महासंघ बाँकेका अध्यक्ष नवीन गिरी, मुख्य प्रायोजक एवम् प्रायोजकहरुका प्रमुख एवम् प्रतिनिधि, पत्रकार लगायतको उपस्थिति थियो । कार्यक्रमको सञ्चालन सचिव विजेयन्द्र जिसीले गरेका थिए ।

प्रकाशित मिति: मंगलबार, फागुन ५, २०८२ १९:३६

प्रतिक्रिया दिनुहोस्