असल शासन पोष्टले मनायो रजत बर्ष

स्थानीय

गृहपृष्ठ
स्थानीय
असल शासन पोष्टले मनायो रजत बर्ष

असल शासन पोष्टले मनायो रजत बर्ष

बिहीबार, फागुन ७, २०८२ बागेश्वरी पोस्ट

नेपालगन्ज । असल शासन पोष्ट साप्ताहिक पत्रिकाको रजत समारोह नेपालगन्जमा सम्पन्न भएको छ । सुशासनको विट मार्फत निरन्तर प्रकाशन हुँदै आएको पत्रिकाको रजत समारोह निबर्तमान प्रतिनिधि सभा सदस्य डा. धवल शम्शेर राणाको प्रमुख आतिथ्यतामा सम्पन्न भएको हो । असल शासन पोष्ट साप्ताहिकका सम्पादक नमस्कार शाहको अध्यक्षतामा भएको रजत समारोहमा पत्रिकाले रजत समारोह मनाएकोमा शुभकामना तथा पत्रिका प्रकाशनमा निरन्तर सहयोग गर्ने ब्यक्ति तथा संस्थालाई सम्मान र उत्कृष्ट पाठकलाई सम्मान गरिएको छ ।

कार्यक्रमका बीच उत्कृष्ट बिज्ञापन दाताको रुपमा अमृत बुक्स एन्ड स्टेशनरी नेपालगन्ज र ब्राइटल्याण्ड स्कुल नेपालगन्जलाई सम्मान गरिएको छ । यसैगरी उत्कृष्ट पाठकको रुपमा माइती नेपाल नेपालगन्जमा प्रमुख केशब कोइराला र दिदीबहिनी समाज बाँकेका अध्यक्ष रमादेवी शाहलाई सम्मान गरिएको छ । पत्रिका प्रकाशनको क्रममा सम्पादन समूहमा रहेर भूमिका निर्वाह गरेका पूर्व सहसम्पादक भाईराजा श्रीवास्तब र ओबिराज आचार्यलाई सम्मान गरिएको छ । उनीहरुलाई सम्मानपत्र र दोसल्लासहित सम्मान गरिएको थियो ।

रजत समारोहमा बोल्दै कार्यक्रमका प्रमुख अतिथि निर्तमान प्रतिनिधि सभा सदस्य डा. धवलशमशेर राणाले सुशासनको विटमा काम गर्ने पत्रिका आगामी दिनमा थप सशक्त रुपमा आउन जरुरी रहेको बताए । उनले भ्रष्टाचार गर्नेहरुलाई कुनै पनि अवस्थामा समाजबाट बहिष्करण गर्नुपर्नेमा जोड दिए । समाजमा सुशासन कायम गर्न सञ्चार माध्यमको भूमिका महत्वपूर्ण हुने भन्दै उनले हरेक नागरिकको आवाज बन्न असल शासनलाई शुभकामना दिए ।

कार्यक्रममा बोल्दै नेपाल पत्रकार महासँघका लुम्बिनी प्रदेश अध्यक्ष शुक्रऋषि चौलागाईले असल शासन पोष्टको स्थापना कालदेखि परिचित रहेको भन्दै निरन्तर पत्रिका प्रकाशनको शुभकामना दिए । यसैगरी कार्यक्रममा बोल्दै शिक्षा विद् तथा बास नेपालका सल्लाहकार किरण आचार्यले इच्छा र चाहनाले सफलता हासिल गर्न सक्छ भन्ने उदाहरण असल शासन पोष्ट रहेको बताइन् । सुशासन कायम गर्न असल शासनले मोलेको जोखिम प्रशंसायोग्य रहेको उनको भनाई थियो । समाजसेवी जयकेश सिहले सुशासनको क्षेत्रमा सुनामी ल्याउन सफल भएको भन्दै असल शासन पोष्टलाई बधाई र शुभकामना ब्यक्त गरे ।

बास नेपालका सल्लाहकार तथा अधिबक्ता लोक बहादुर शाहले असल शासन पोष्टले हरेक नागरिकलाई सुसूचित बनाएको बताए । यसैगरी मंगल प्रसाद माबिका प्रधानाध्यापक सध्या गुप्ताले सुशासन र पारदर्शी कार्य गर्ने ब्यक्ति तथा संस्थाको साथमा असल शासन पोष्ट उभिएको देख्दा खुसी लागेको बताइन् । नेपाल उद्योग बाणिज्य महासंघका पूर्व केन्द्रीय सदस्य कृष्ण प्रसाद श्रेष्ठले समाज रुपान्तरणमा असल शासन पोष्ट साप्ताहिकले खेलेको भूमिका महत्वपूर्ण रहेको बताए । सम्मानित ब्यक्तित्व असल शासन पोष्टका पूर्ब सहसम्पादक ओबिराज आचार्यले असल शासन पोष्ट जस्तो निष्पक्ष पत्रिकाको हिस्सा बन्न पाएकोमा गौरवान्वित रहेको बताए । यसैगरी उत्कृष्ट पाठकको रुपमा सम्मानित माइती नेपाल नेपालगन्जका प्रमुख केशब कोइरालाले असल शासन पोष्टको प्रकाशनले समाजमा भइरहेको गलत कार्यहरु रोकिएको बताए । उनले पत्रिकाको निरन्तर प्रकाशनको शुभकामना दिए ।

असल शासन पोष्ट साप्ताहिकका प्रबन्ध निर्देशक मन भण्डारीले सञ्चालन गरेको कार्यक्रममा स्वागत पत्रिकाका कार्यकारी सम्पादक हेमराज भट्टले गरेका थिए । बास नेपालका केन्द्रीय अध्यक्ष शिव कुमार बर्माले धन्यबाद ज्ञापन गरेको कार्यक्रममा असल शासन पोष्ट साप्ताहिकको प्रकाशन विगत र बर्तमानको बारेमा जानकारीसहित कार्यक्रमको समापन सम्पादक नमस्कार शाहले गरेका थिए ।

प्रकाशित मिति: बिहीबार, फागुन ७, २०८२ २१:०२

प्रतिक्रिया दिनुहोस्