कोइराला भुजई गाउँमा पुग्दा मतदाता उत्साहित

समाचार

गृहपृष्ठ
समाचार
कोइराला भुजई गाउँमा पुग्दा मतदाता उत्साहित

कोइराला भुजई गाउँमा पुग्दा मतदाता उत्साहित

शुक्रबार, फागुन ८, २०८२ बागेश्वरी पोस्ट

नेपालगन्ज । नेपाली काँग्रेसका तर्फबाट बाँके क्षेत्र नम्बर २ का प्रतिनिधिसभा सदस्य पदका उम्मेदवार सुधान्शु कोइरालाले नेपालगन्ज उपमहानगरपालिका वडा नम्बर १८ भुजई गाउँमा घरदैलो गरेका छन् । वडा कार्यसमितिको अगुवाईमा घरदैलो गरिएको वडा सभापति जगदिश प्रसाद कुर्मीले जानकारी दिए । उम्मेदवार कोइरालाप्रति मतदाताहरु उत्साहित देखिएको घरदैलोमा सहभागी तरुण दल बाँकेका अध्यक्ष वीरेन्द्र बहादुर शाहले जानकारी दिए ।

राजनीतिक विरासत बोकेका युवा नेता कोइरालालाई उम्मेदवारका रुपमा पाउँदा मतदाताहरु उत्साहित देखिन्थे । कोइराला ४४ वर्षका युवा हुन् । उनी काँग्रेस बाँकेका सचिव पनि हुन् । जेनजी आन्दोलनपछि काँग्रेस बदलिएको र बदलिएको काँग्रेसले देश बदल्ने अठोटसहित आफू नागरिकको घरदैलोमा आएको भन्दै कोइरालाले सहयोगको आग्रह गरे । उनले आफू आश्वासन बाँड्न नआएको भन्दै जनताको सेवकका रुपमा काम गर्ने प्रण बोकेर आएको बताए ।

उनले जनताको आवश्यकता र चाहना अनुरुप आफूले नीति निर्माण तहमा समन्वयकारी भूमिका निर्वाह गर्ने बताए । उम्मेदवार कोइरालाले घरदैलोमा नागरिकका समस्याहरु सुन्ने र समाधानका निमित्त भूमिका खेल्ने विश्वास दिलाए ।

प्रकाशित मिति: शुक्रबार, फागुन ८, २०८२ १७:००

प्रतिक्रिया दिनुहोस्