नेपालगञ्जको भैयापुरमा विष्टको घरदैलो

राजनीति

गृहपृष्ठ
राजनीति
नेपालगञ्जको भैयापुरमा विष्टको घरदैलो

नेपालगञ्जको भैयापुरमा विष्टको घरदैलो

शुक्रबार, फागुन ८, २०८२ बागेश्वरी पोस्ट

नेपालगन्ज । नेकपाका तर्फबाट बाँके क्षेत्र नम्बर २ का प्रतिनिधि सभा सदस्य पदका उम्मेदवार दिपेन्द्र बिष्टलाई नेपालगन्जको भैयापुरमा स्थानीय मतदाताले स्वागत गरेका छन् । महिला, युवा र ज्येष्ठ नागरिकले उम्मेदवार बिष्टलाई फूलमाला र शुभकामनासहित स्वागत गर्दै चुनावी माहोललाई उत्सवमय बनाएका थिए ।

घरदैलो अभियानका क्रममा भैयापुर पुगेका बिष्टसँग स्थानीयले खुला संवाद गरेका थिए । सडक, शिक्षा, स्वास्थ्य, रोजगारी र कृषि विकासका विषयमा गम्भीर छलफल भएको थियो । उम्मेदवारले स्थानीय समस्यालाई नजिकबाट बुझ्दै समाधानका लागि स्पष्ट प्रतिबद्धता व्यक्त गरेका थिए ।

भैयापुरका मतदाताले भने, “हामी परिवर्तन चाहन्छौँ, अब काम गर्ने नेतृत्व चाहिन्छ ।” उनीहरूले फागुन २१ गतेको मतदानलाई उत्सुकतापूर्वक प्रतीक्षा गरिरहेको बताएका छन् । “हाम्रो निर्णय स्पष्ट छ, अब परिणाम हेर्ने दिन नजिकिँदैछ,” एक स्थानीय युवाको भनाई थियो ।

कार्यक्रमपछि प्रतिक्रिया दिँदै बिष्टले जनताले दिएको माया र विश्वासले आफूलाई थप जिम्मेवार बनाएको बताए । “जनताको भरोसा नै मेरो शक्ति हो,” उनले भने, “भैयापुरको विकास र समृद्धिका लागि प्रतिबद्ध छु ।”

प्रकाशित मिति: शुक्रबार, फागुन ८, २०८२ १७:३९

प्रतिक्रिया दिनुहोस्