सुधान्शुलाई मतदाताले भने–“बदलिएको काँग्रेसलाई मत दिन्छौं”

राजनीति

गृहपृष्ठ
राजनीति
सुधान्शुलाई मतदाताले भने–“बदलिएको काँग्रेसलाई मत दिन्छौं”

सुधान्शुलाई मतदाताले भने–“बदलिएको काँग्रेसलाई मत दिन्छौं”

शुक्रबार, फागुन ८, २०८२ बागेश्वरी पोस्ट

नेपालगन्ज । निर्वाचन नजिकिँदै जाँदा गाउँदेखि सहरसम्म राजनीतिक बहस चर्किएको छ । चिया पसल, चौतारा र सामाजिक सञ्जालमा एउटै चर्चा सुनिन्छ–“यस पटक बदलिएको काँग्रेसलाई अवसर दिनुपर्छ ।” धेरै मतदाताको बुझार्इमा लामो इतिहास बोकेको नेपाली काँग्रेस अहिले आन्तरिक सुधार, नयाँ अनुहार र स्पष्ट नीतिगत प्रतिबद्धतासहित अघि बढेको छ । बाँके क्षेत्र नंं २ का काँग्रेस उम्मेदवार सुधान्शु कोइराला घरदैलोमा पुग्दा पनि मतदाता उत्साहित थिए ।

नेपालगन्ज उपमहानगरपालिका वडा नम्बर ४ गणेशपुरमा वडा कार्यसमितिले आयोजना गरेको घरदैलोमा पुग्दा स्थानीय रिनु शेरचनले पार्टीभित्रको संरचनात्मक सुधार र महाधिवेशनपछिको नेतृत्व चयनले यो पटक काँग्रेसलाई मत दिने बताइन् । काँग्रेसले समावेशी प्रतिनिधित्व र सामाजिक न्यायका मुद्दालाई प्राथमिकतामा राखेकाले पनि आफूहरु उत्साहित भएको उनको भनाई छ । “बदलिएको काँग्रेस” भन्ने नाराले जनमानसमा सकारात्मक प्रभाव पार्न थालेको देखिन्छ । अर्का मतदाता विजय साहुले पनि बदलिएको काँग्रेसप्रति भरोसा जागेको बताए ।

नेपाली काँग्रेस बाँकेका सचिव समेत रहेका उम्मेदवार कोइरालाले शुक्रबार नेपालगन्जको बजार क्षेत्रमा समेत घरदैलो गरेका छन् । त्यसक्रममा उनले ब्यापारीहरुको समस्या सुने । सहज बजार व्यवसायका लागि नीतिगत रुपमा सहजीकरणको भूमिका निर्वाह गर्ने विश्वास दिलाए । कोइरालाले नेपालगन्ज उपमहानगरपालिका वडा नम्बर ४ गणेशपुर, वडा नम्बर १८ भुजर्इ गाउँमा घरदैलो गरेका छन् ।

प्रकाशित मिति: शुक्रबार, फागुन ८, २०८२ २१:३०

प्रतिक्रिया दिनुहोस्