नेपालगन्जको अर्थतन्त्र उकास्ने योजना लिएर घरदैलो गर्दै इश्तियाक राई

राजनीति

गृहपृष्ठ
राजनीति
नेपालगन्जको अर्थतन्त्र उकास्ने योजना लिएर घरदैलो गर्दै इश्तियाक राई

नेपालगन्जको अर्थतन्त्र उकास्ने योजना लिएर घरदैलो गर्दै इश्तियाक राई

आइतबार, फागुन १०, २०८२ बागेश्वरी पोस्ट

नेपालगन्ज । नेकपा एमालेबाट बाँके क्षेत्र नं. २ का प्रतिनिधिसभा सदस्य उम्मेदवार मोहम्मद इश्तियाक राईले नेपालगन्जको अर्थतन्त्र उकास्न सडक मार्ग विस्तारलाई आफूले प्राथमिकतामा राखेको बताएका छन् । आज नेपालगन्जको वडा नं. ९ श्रद्धानगरमा आयोजित कोण सभामा राईले सडक कनेक्टिभिटीले यहाँको अर्थतन्त्र सुदृढ पार्न सघाउने भनाई राखे ।

नेपालगन्ज प्रादेशिक राजधानी नभइसकेपछि यहाँको अर्थतन्त्र सुक्दै गएको छ। अर्थतन्त्र चलायमान बनाउन हामीले सडक र भौतिक पूर्वाधार निर्माणमा ध्यान दिनुपर्ने हुन्छ ।’, राईले भने, ‘बाँके जिल्ला छोएर पूर्वपश्चिम यात्रा गर्दा नेपालगन्ज हुँदै जाने सडकमार्ग निर्माण गर्ने मेरो योजना छ । तपाईंहरूले निर्वाचित गर्नुभयो भने म कञ्चनपुर हुँदै दाङ जोडिने छुट्टै नियमित मार्ग बनाउन म पहल गर्छु । ’

आफूले विगतमा यो क्षेत्रका लागि धेरै काम पनि गरेको तथा पूर्वाधार र नीतिगत विकासका लागि स्पष्ट एजेन्डाका साथ प्रस्तुत भएकाले आफूप्रति मतदाताहरूको समर्थन बढिरहेको राईले दाबी गरे । उनले भेरी अस्पताललाई विशिष्टिकृत सेवा दिन सक्षम बनाउने, सामुदायिक विद्यालयहरूको स्तरोन्नति गर्ने, किसानहरूलाई समयमै मल तथा वीउ उपलब्ध गराउने लगायत भौतिक र नीतिगत पहलकदमी लिने जानकारी दिए ।

नवपुस्ता र पुरानो पुस्ताबीच षड्यन्त्रपूर्वक द्वन्द्व बढाउन भइरहेको प्रयासलाई सफल हुन नदिने र पारस्परिकता बढाउन भूमिका निर्वाह गर्ने पनि राईले बताएका थिए । राईले आजै वडा नं. ९ को नयाँ बस्ती, गुड्डुटोल, वडा नं २० को माईगाउँ, इदगाटोल र नयाँ बस्तीमा पुगेर मतदाताहरूसमक्ष आफ्ना चुनावी एजेन्डाहरू राखेका थिए ।

प्रकाशित मिति: आइतबार, फागुन १०, २०८२ १६:२६

प्रतिक्रिया दिनुहोस्