कोइरालालाई सहयोग गर्ने बाल्मिकी समुदायको प्रतिवद्धता

समाचार

गृहपृष्ठ
समाचार
कोइरालालाई सहयोग गर्ने बाल्मिकी समुदायको प्रतिवद्धता

कोइरालालाई सहयोग गर्ने बाल्मिकी समुदायको प्रतिवद्धता

आइतबार, फागुन १०, २०८२ बागेश्वरी पोस्ट

नेपालगन्ज । नेपालगन्जमा रहेका बाल्मिकी समुदायले बाँके क्षेत्र नम्बर २ मा नेपाली कांग्रेसलाई सहयोग गर्ने प्रतिवद्धता जनाएका छन् । बाँकेको क्षेत्र नम्बर २ अन्तरगत पर्ने नेपालगन्ज उपमहानगरपालिका र डुडुवा गाउँपालिकामा बाल्मिकी समुदायको उल्लेख्य मात्रामा बसोबास रहेको छ ।

बाल्मिकी समुदाय नेपालगन्जको अगुवाईमा आज भएको भेटघाटका क्रममा नेपाली कांग्रेसका उम्मेदवार शुधान्सु कोइरालालाई सहयोग गर्ने प्रतिवद्धता जनाएका हुन् ।

सो क्रममा बाल्मिकी समुदायका अगुवा जगदिश बाल्मिकीले नेपाली कांग्रेसले सक्षम र भरोसायोग्य उम्मेदवारको रुपमा कोइरालालाई उठाएकाले समुदायस्तरबाटै सहयोग गर्ने निष्कर्षमा पुगेको बताए ।

भेटघाटका क्रममा उम्मेदवार कोइरालाले आफूले बाल्मिकी समुदायको उत्थानका लागि काम गर्ने दृढता ब्यक्त गरे । नेपाली कांग्रेसले सबै जाती, धर्म, समुदाय र क्षेत्रको विकासमा विगतदेखि काम गर्दै आएको र आफू निर्वाचित भएपछि पनि विशेष प्राथमिकतामा राख्ने प्रतिवद्धता जनाए ।

भेटघाट कार्यक्रममा उम्मेदवार कोइरालासँगै नेपाली कांग्रेस बाँकेका पूर्व उपसभापति सुनिल नरसिंह राणा, पार्टीका क्षेत्र नम्बर २ का सभापति रमेश गुप्ता, नेपाली कांग्रेस नेपालगन्ज–२ का वडा सभापति प्रदिप श्रेष्ठ लगायतको उपस्थिति रहेको थियो ।

प्रकाशित मिति: आइतबार, फागुन १०, २०८२ २२:४५

प्रतिक्रिया दिनुहोस्