नेपालगञ्जमा 'निर्वाचन रिपोर्टिङ र पत्रकार आचारसंहिता' विषयक अन्तरक्रिया

समाचार

गृहपृष्ठ
समाचार
नेपालगञ्जमा 'निर्वाचन रिपोर्टिङ र पत्रकार आचारसंहिता' विषयक अन्तरक्रिया

नेपालगञ्जमा 'निर्वाचन रिपोर्टिङ र पत्रकार आचारसंहिता' विषयक अन्तरक्रिया

मंगलबार, फागुन १२, २०८२ बागेश्वरी पोस्ट

नेपालगन्ज । नेपाल पत्रकार महासंघका वरिष्ठ उपाध्यक्ष दीपक आचार्यले निर्वाचनका बेला पत्रकारहरुले अझ मर्यादित र जिम्मेवार भएर संचार कर्म गर्नुपर्ने बर्ताएका छन् । नेपाल पत्रकार महासंघ बाँकेले आज नेपालगन्जमा आयोजना गरेको 'निर्वाचन रिपोर्टिङ र पत्रकार आचारसंहिता' विषयक अन्तरक्रिया कार्यक्रममा वरिष्ठ उपाध्यक्ष आचार्यले निर्वाचनको समयमा पालना गर्नुपर्ने आचारसंहितामा गम्भीर बन्नुपर्नेमा जोड दिँदै सन्तुलित समाचार सम्प्रेषणमा ध्यान दिनुपर्ने बर्ताए । पत्रकारहरुले पक्षधरता लिन नहुने प्रष्ट पार्दै उनले निर्वाचनलाई स्वच्छ, निष्पक्ष र भयरहित बनाउन संचार माध्यम जिम्मेवार बन्नुपर्ने बताए ।

May be an image of one or more people, people studying and text

कोषाध्यक्ष रामकृष्ण अधिकारीले मिडिया र सामाजिक संजालका प्लेटफर्मलाई एउटै डालोमा राखेर हेर्दा समस्या सिर्जना भइरहेको बताए । उनले मिडिया र पत्रकार चरम 'सेल्फ सेन्सरशिप' को चरणमा रहेको धारणा राखे । नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाईले पत्रकारहरुका गतिविधि महासंघले सूक्ष्म ढंगले नियालिरहेको बताए । नेपाल पत्रकार महासंघ बाँकेका अध्यक्ष नवीन गिरीले निर्वाचनका बेला पत्रकारहरुलाई जिम्मेवार बनाउन 'सेन्सटाइज' गर्ने उद्देश्यले अन्तरक्रिया कार्यक्रम गरिएको बताए ।

महासंघ बाँकेका अध्यक्ष गिरीको अध्यक्षतामा सम्पन्न कार्यक्रममा पूर्व अध्यक्ष लियाकत अलि, निरज गौतम, रुद्र सुवेदी, नेपाल प्रेस युनियन बाँकेका अध्यक्ष प्रियास्मृति ढकाल, प्रेस चौतारी नेपाल बाँकेका अध्यक्ष कमल डाँगी, सामुदायिक रेडियो प्रशारक संघका केन्द्रीय सदस्य मोहम्मद आरिफ अन्सारी, पत्रकार मधु पौडेल लगायतले धारणा राखेका थिए । उपाध्यक्ष करुणा शाहले स्वागत मन्तव्य गरेको कार्यक्रमको संचालन सचिव कृष्ण ओलीले गरेका थिए ।

May be an image of one or more people and text