राँझामा बिष्टको घरदैलोः जनआकांक्षालाई प्राथमिकतामा राख्ने प्रतिबद्धता

राजनीति

गृहपृष्ठ
राजनीति
राँझामा बिष्टको घरदैलोः जनआकांक्षालाई प्राथमिकतामा राख्ने प्रतिबद्धता

राँझामा बिष्टको घरदैलोः जनआकांक्षालाई प्राथमिकतामा राख्ने प्रतिबद्धता

बुधबार, फागुन १३, २०८२ बागेश्वरी पोस्ट

नेपालगन्ज । बाँके क्षेत्र नं. २ का प्रतिनिधि सभा सदस्य पदका उम्मेदवार दिपेन्द्र बिष्टले राँझाका विभिन्न बस्ती र टोलमा पुगेर मतदातासँग प्रत्यक्ष भेटघाट गरेका छन् । घरदैलो अभियानमार्फत उनले स्थानीय बासिन्दासँग संवाद गर्दै समर्थन जुटाउने प्रयास गरेका हुन् ।

राँझाका गल्ली–चोकमा पुगेर बिष्टले नागरिकका समस्या सुन्नुका साथै आफ्नो विकास बारेको दृष्टिकोण प्रस्तुत गरे । खानेपानी, सडक पूर्वाधार, रोजगारी र शिक्षा–स्वास्थ्य जस्ता आधारभूत विषयमा स्थानीयको चासो रहेको पाइएको छ । उनले ती विषयलाई प्राथमिकतामा राख्ने प्रतिबद्धता व्यक्त गरे ।

अभियानमा नेपाली कम्युनिस्ट पार्टीका लुम्बिनी प्रदेश सचिवालय सदस्य डिल्ली बराल (अमिर) लगायत प्रदेश, जिल्ला र स्थानीय तहका नेता–कार्यकर्ताको सहभागिता रहेको थियो । संयुक्त उपस्थितिले संगठनात्मक एकता र समन्वयको सन्देश दिएको सहभागीहरू बताउँछन् ।

घरदैलो क्रममा बिष्टले मतदातासँग आत्मीयता बढाउने प्रयास गर्दै “प्रतिनिधि भनेको जनताको आवाज संसदसम्म पुर्‍याउने माध्यम हो” भन्ने धारणा राखे । स्थानीय युवासँगको भेटमा रोजगारी र उद्यमशीलताका सम्भावनाबारे छलफल भएको थियो भने ज्येष्ठ नागरिकसँग सामाजिक सुरक्षा र सेवा पहुँचबारे कुरा उठेको थियो ।

प्रकाशित मिति: बुधबार, फागुन १३, २०८२ २१:२९

प्रतिक्रिया दिनुहोस्