थारु समुदायको बडघर प्रथालाई कानूनी मान्यतासहित थप व्यवस्थित गर्छुः गौडेल

राजनीति

गृहपृष्ठ
राजनीति
थारु समुदायको बडघर प्रथालाई कानूनी मान्यतासहित थप व्यवस्थित गर्छुः गौडेल

थारु समुदायको बडघर प्रथालाई कानूनी मान्यतासहित थप व्यवस्थित गर्छुः गौडेल

शुक्रबार, फागुन १५, २०८२ बागेश्वरी पोस्ट

कोहलपुर । नेपाली काँग्रेस बाँके क्षेत्र नं. १ का प्रतिनिधिसभा सदस्य पदका उम्मेदवार नारायण प्रसाद गौडेलले विभिन्न जातजातिको धर्म, संस्कृति संरक्षणमा आफ्नो नेतृत्वदायी भूमिका रहने बताएका छन् । फागुन २१ गते हुन गइरहेको प्रतिनिधिसभा निर्वाचनमा विभिन्न समुदायसँगको निरन्तर छलफलमा रहेका उम्मेदवार गौडेलले आफू उम्मेदवार नहुँदा पनि आदिवासी जनजातिहरुको कला संस्कृति संरक्षणमा वकालत गर्दै आएको बताए ।

‘म नेपाली काँग्रेसको जिल्ला सभापतिको नाताले पनि विभिन्न जात-जातिको धार्मिक तथा सांस्कृतिक क्षेत्रको संरक्षण, सम्वद्र्धन र प्रवर्धनमा नेतृत्वदायी भूमिका निर्वाह गर्दै आएको थिएँ, अब उम्मेदवारको रुपमा छु । निर्वाचित गराएर पठाउनुहोस् नीति नै बनाएर आदिवासी जनजातिहरुको कला-संस्कृतिलाई थप व्यवस्थित बनाउँछु’–उनले भने । आदिबासी जनजातिका कला, संस्कृतिको संरक्षण र सम्वद्र्धन गर्न कोहलपुर नगरपालिका वडा नं. ८ मा रहेको सितल बनबाटिकामा निर्माणाधीन जनजाति संग्राहलय, कोहलपुर वडा नं. ११ मा थारु संग्राहलय र कोहलपुर वडा नं. २ मा दलित संग्राहलयलाई द्रुत गतिमा निर्माण गर्न नेतृत्वदायी भूमिका खेल्ने बताए ।

उनले थारु समुदायको बडघर प्रथालाई कानूनी मान्यतासहित थप व्यवस्थित गरिने पनि बताए । उनले धार्मिक पर्यटन प्रबद्र्धनका लागि बर्फानी बाबा, सन्तानेश्वर महादेव र भूवर भवानी मन्दिर क्षेत्रको विकासका लागि आवश्यक गुरुयोजना तयार गरी कार्य गर्ने पनि बताए । उनले नेचर गाइड, होम स्टे संचालन, पर्यापर्यटन, ¥याफटिङ, बन्जी जम्प एवम् टे«किङ जस्ता तालिमको व्यवस्था गरी पर्यटन प्रबद्र्धन गरी रोजगारीमा युवाहरुको पहुँच वृद्धि गर्ने पनि गौडेलले बताए । तीब्र चुनावी भेटघाट र घरदैलोमा रहेका गौडेलले आज कोहलपुर बजार क्षेत्रमा घरदैलो गरेका छन् । अपरान्हपछि भने नरैनापुरका बाँकी वडा नं. ४ र वडा नं. ६ का विभिन्न वस्तीमा घरदैलो गर्ने कार्यक्रम रहेको छ ।

प्रकाशित मिति: शुक्रबार, फागुन १५, २०८२ १५:०१

प्रतिक्रिया दिनुहोस्