बाँके-२ का नेकपा उम्मेदवार विष्ट घरबारी टोलमा घरदैलोमा

राजनीति

गृहपृष्ठ
राजनीति
बाँके-२ का नेकपा उम्मेदवार विष्ट घरबारी टोलमा घरदैलोमा

बाँके-२ का नेकपा उम्मेदवार विष्ट घरबारी टोलमा घरदैलोमा

शुक्रबार, फागुन १५, २०८२ बागेश्वरी पोस्ट

नेपालगन्ज । बाँके क्षेत्र नम्बर २ का नेकपा उम्मेदवार दिपेन्द्र विष्टलाई नेपालगञ्ज उपमहानगरपालिका वडा नं. २ अन्तर्गत घरबारी टोलमा आयोजित घरदैलो कार्यक्रममा स्थानीय व्यवसायीहरूले उम्मेदवारहरूलाई खादा लगाएर स्वागत गरेका छन् । घर–घर पुगेर भलाकुसारी गर्ने क्रममा उम्मेदवारहरूलाई व्यवसायी समुदायले सम्मानस्वरूप खादा ओढाइदिएका थिए ।

कार्यक्रममा बोल्दै बाँके क्षेत्र नं. २ का प्रतिनिधि सभा सदस्य पदका उम्मेदवार दिपेन्द्र बिष्टले जनताको माया र विश्वास नै सबैभन्दा ठूलो शक्ति भएको बताए । उनले व्यवसायी वर्गको योगदान बिना स्थानीय अर्थतन्त्र सुदृढ हुन नसक्ने उल्लेख गर्दै उनीहरूको सुझावलाई आफ्नो प्राथमिकतामा राख्ने प्रतिबद्धता व्यक्त गरे ।

स्थानीय व्यवसायीहरूले बजार व्यवस्थापन, पूर्वाधार सुधार, सुरक्षा र करसम्बन्धि सहजताका विषय उठाएका थिए । उनीहरूले प्रतिनिधिले आफ्ना मुद्दा सम्बन्धित निकायसम्म पुर्‍याइदिनुपर्ने अपेक्षा राखेका छन्।

प्रकाशित मिति: शुक्रबार, फागुन १५, २०८२ १५:१४

प्रतिक्रिया दिनुहोस्