समाजसेवीको छवि बनाएका गौडेललाई जिताउने मतदाताको प्रतिवद्धता

राजनीति

गृहपृष्ठ
राजनीति
समाजसेवीको छवि बनाएका गौडेललाई जिताउने मतदाताको प्रतिवद्धता

समाजसेवीको छवि बनाएका गौडेललाई जिताउने मतदाताको प्रतिवद्धता

शनिबार, फागुन १६, २०८२ बागेश्वरी पोस्ट

कोहलपुर । नेपाली काँग्रेसका तर्फबाट बाँके क्षेत्र नं. १ का प्रतिनिधिसभा सदस्यका उम्मेदवार नारायण प्रसाद गौडेलले आज कोहलपुर एनटिभी रोडमा घरदैलो गरेका छन् । घर-घर तथा पसल-पसलमा मत माग्न पुगेका गौडेललाई मतदाताहरुले मत दिने प्रतिवद्धता गरे । गौडेल लामो समयदेखि सामाजिक सेवाको क्षेत्रमा क्रियाशील भएकाले आफूहरुले गौडेललाई मत दिने उनीहरुले कारण सुनाए ।

"गौडेल अत्यन्तै सरल, इमान्दार र समाजसेवाको छवि बनाएको मान्छे हुनुहुन्छ," अधिकांश मतदाताहरुको भनाई थियो- "उहाँ (गौडेल) जस्तो व्यक्तिलाई मत नदिएर अरुलाई दिने त सवाल नै छैन ।" मत माग्न नयाँ नयाँ दलहरु आए पनि देश बनाउने निश्चित एजेण्डा नभएको र इमान्दार पनि नदेखिएकाले उनीहरुबाट भरोसा गर्न नसकिने मतदाताहरुको भनाई छ ।

गौडेलले पनि मतदाताहरुलाई काँग्रेस बदलिएर आएको र देश बदल्ने संकल्पसहित चुनावी मैदानमा होम्मिएको भन्दै काँग्रेसको पक्षमा मतदान गर्न आग्रह गर्दै थिए । उनले कोहलपुर नगरपालिकाको रिंगरोडलाई पूर्णता दिइने र कोहलपुरलाई यस क्षेत्रको व्यवस्थित शहरको रुपमा विकास गर्न आफूले आवश्यक पहल गर्ने विश्वास दिलाए ।

प्रकाशित मिति: शनिबार, फागुन १६, २०८२ २०:४७

प्रतिक्रिया दिनुहोस्