वडा नं. १८ मा अब विकासको रफ्तार बढ्छः इश्तियाक राई

राजनीति

गृहपृष्ठ
राजनीति
वडा नं. १८ मा अब विकासको रफ्तार बढ्छः इश्तियाक राई

वडा नं. १८ मा अब विकासको रफ्तार बढ्छः इश्तियाक राई

शनिबार, फागुन १६, २०८२ बागेश्वरी पोस्ट

नेपालगन्ज । नेकपा एमालेबाट बाँके क्षेत्र नं. २ का प्रतिनिधिसभा सदस्य उम्मेदवार मोहम्मद इश्तियाक राईले आज वडा नं. १८ का विभिन्न टोलहरूमा घरदैलो गरेका छन् । राईले वडा नं. १८ का प्रगति नगर, अम्मर नगर र पशुपति टोलमा आज घरदैलो गरेका हुन् । घरदैलोका क्रममा मतदाताहरूले आफ्ना क्षेत्रमा आवश्यक विकासका आधारभूत विषयहरूबारे उम्मेदवार राईको ध्यानाकर्षण गराएका थिए । राईले आफू जहिले पनि विकास निर्माण र नीतिगत सुधारमार्फत जनताका समस्याहरू सम्बोधन गर्न तत्पर रहेको जवाफ दिएका थिए ।

मतदाताहरूसँग भेटका क्रममा राईले भने, ‘तपाइँहरूको वडामा नेकपा एमालेबाट विजयी वडाध्यक्षले राम्रो काम गरिरहनुभएको छ । अब हामी एकै ठाउँ भइसकेका छौं । प्रतिनिधिसभा सदस्य निर्वाचित भएर आएपछि हामी दुबै युवा जोशका साथ मिलेर काम गर्छौं । अनि यहाँ विकासको रफ्तार झनै बढ्छ ।’ यसअघि आफू प्रतिनिधि सभा सदस्य हुँदा र मन्त्री हुँदा गरेका कामहरूको फेहरिस्त लिएर मतदाताहरूमाझ पुगिरहेका उम्मेदवार राईले यो निर्वाचनमा आधुनिक क्रिकेट स्टेडियम निर्माण, भेरी अस्पतालबाट विशिष्टिकृत सेवा, नेपालगन्ज-डुडुवा हुँदै पूर्व-पश्चिम यात्रा गर्नुपर्ने गरी वैकल्पिक सडक मार्ग निर्माणलाई आफ्नो प्रमुख मुद्दा बनाएको बताएका छन् ।

त्यस्तै नीतिगत सुधारमार्फत लागुऔषध समस्याको सम्बोधन गर्ने, सामुदायिक विद्यालयहरूको शैक्षिक गुणस्तर सुधार्ने, प्रसुति सेवालाई विस्तार गर्ने, सांस्कृतिक धार्मिक धरोहरहरूको संरक्षण गर्ने लगायतका प्रतिबद्धता पनि राईले जनाएका छन् ।

प्रकाशित मिति: शनिबार, फागुन १६, २०८२ २१:०४

प्रतिक्रिया दिनुहोस्