बाँके क्षेत्र नम्बर २ मा भोलि कांग्रेसको बृहत मोटरसाइकल र्याली

राजनीति

गृहपृष्ठ
राजनीति
बाँके क्षेत्र नम्बर २ मा भोलि कांग्रेसको बृहत मोटरसाइकल र्याली

बाँके क्षेत्र नम्बर २ मा भोलि कांग्रेसको बृहत मोटरसाइकल र्याली

आइतबार, फागुन १७, २०८२ बागेश्वरी पोस्ट

नेपालगन्ज । नेपाली कांग्रेसले बाँकेको क्षेत्र नम्बर २ मा सोमबार (भोलि) बृहत मोटरसाईकल र्याली निकाल्ने भएको छ । यही फागुन २१ गते हुन लागेको प्रतिनिधि सभा निर्वाचनको पूर्व सन्ध्यामा नेपाली कांग्रेसले आफ्नो पक्षमा जनमत सिर्जना गर्न र्याली निकाल्न लागेको हो ।

नेपाली कांग्रेस प्रतिनिधि सभा क्षेत्र नम्बर २ निर्वाचन प्रचार–प्रसार समितिका संयोजक उमा थापा मगरका अनुसार सोमबार बिहान १० बजे स्थानीय रामलिला मैदानबाट र्याली सुरु हुनेछ । उक्त र्याली रामलिला मैदान हुँदै चारबाहिनी चोक, गणेशमान चोक, वीपी चोक, धम्बोझी चोक, पुष्पलाल चोक, राँझा चोकसम्म पुग्नेछ । त्यसपछि पुनः फर्केर नेपालगन्ज बसपार्क हुँदै न्यूरोड, सहिद सेतु बिक चोकमा आइपुग्नेछ ।

सहिद सेतु बिक चोकमा क्षेत्र नम्बर २ का नेपाली कांग्रेसका उम्मेदवार शुधान्सु कोइरालाले सम्बोधन गर्ने कार्यक्रम रहेको प्रचारप्रसार संयोजक थापाले बताइन् । कोइरालाको सम्बोधनपछि न्यूरोड, त्रिवेणीमोड, फुल्टेक्रा हुँदै डुडुवा गाउँपालिकाको बेतहनीमा पुगेर आमसभामा परिणत हुने कार्यक्रम रहेको छ । मोटरसाइकल र्यालीमा सक्रिय सहभागिता जनाउन नेपाली कांग्रेस क्षेत्र नम्बर २ कार्यसमितिले सबैलाई अपील गरेको छ ।

क्षेत्र नम्बर २ का क्षेत्रीय सचिव सुनिलसिंह हमालले प्रचारप्रसार कार्यक्रमको अन्तिम दिन भोलि निर्वाचनको माहोललाई तताउन र नेपाली कांग्रेसको पक्षमा जनतम सिर्जना गर्न रामलिला मैदानमा मोटरसाईकल सहित पुग्न सबैलाई सार्वजनिक रुपमा निम्तो दिइएको बताएका छन् । बाँके क्षेत्र नम्बर २ मा युवा र सक्षम उम्मेदवार शुधान्सु कोइरालालाई प्रतिस्पर्धामा उतारेकाले निर्वाचनको माहोल यसपटक नेपाली कांग्रेसको पक्षमा देखिएको नागरिक स्तरमा चर्चा चलेको छ ।

प्रकाशित मिति: आइतबार, फागुन १७, २०८२ २१:२७

प्रतिक्रिया दिनुहोस्