‘मतदाताहरूको भरोसा मेरो लागि ठूलो जिम्मेवारी हो’- इश्तियाक राई

राजनीति

गृहपृष्ठ
राजनीति
‘मतदाताहरूको भरोसा मेरो लागि ठूलो जिम्मेवारी हो’- इश्तियाक राई

‘मतदाताहरूको भरोसा मेरो लागि ठूलो जिम्मेवारी हो’- इश्तियाक राई

सोमबार, फागुन १८, २०८२ बागेश्वरी पोस्ट

नेपालगञ्ज । नेकपा एमालेबाट बाँके क्षेत्र नं. २ का उम्मेदवार मोहम्मद इश्तियाक राईले आज उद्योगी व्यवसायीहरूसँगै होली खेलेका छन् । नेपाल उद्योग तथा व्यवसायी महासंघ बाँकेले नेपालगन्जमा आयोजना गरेको होली मिलन कार्यक्रममा सरिक भएका राईले होलीको शुभकामना आदानप्रदान गरे ।

होली खेल्दै उद्योगी व्यवसायीहरूले उम्मेदवार राईलाई जितको शुभकामना दिएका थिए । होली मिलन कार्यक्रममा बोल्दै राईले उद्योगी व्यवसायीहरूले एमालेको निर्वाचन अभियानमा देखाएको सक्रिताको सह्राना गरे । सबैको सक्रिय साथ सहयोग र समर्थनले आफूलाई फागुन २१ गतेको निर्वाचनमा जित नजिक पुर्‍याएको राईको भनाई थियो ।

सो क्रममा राईले करिब एक महिना निर्वाचन प्रचारप्रसार र जनताका समस्याहरू बुझ्न घरदैलोमा जाँदा मतदाताले दर्शाएको भरोसालाई आफूले ठूलो जिम्मेवारीका रूपमा लिएको बताए । कसैसँग भेट वा सम्पर्क हुन नसके पनि आफ्नो मन मुटुमा सधैं नै यहाँका मतदाताहरू रहेको जिकिर गर्दै उम्मेदवार राईले बाँके निर्वाचन क्षेत्र नं. २ मा यो पटक इतिहास रचिने दाबी गरे ।

आफ्नो निर्वाचन क्षेत्रसहित समग्र बाँकेलाई बलियो बनाउँदै यहाँका अजेन्डाहरूलाई काठमाडौंको सत्तासँग स्थापित गर्ने आफ्नो अठोट सुनाउनुभएका राईले पार्टीभन्दा बाहिरबाट पनि आफूले उल्लेख्य साथ पाएको र त्यो साथमा साथ निभाउन आफू पनि सक्रिय रहने प्रतिबद्धता जनाउनुभयो।

प्रकाशित मिति: सोमबार, फागुन १८, २०८२ १८:१८

प्रतिक्रिया दिनुहोस्