द्रुत डाँक सेवा (EMS) सम्बन्धि अन्तरक्रिया कार्यक्रम नेपालगञ्जमा सम्पन्न

समाचार

गृहपृष्ठ
समाचार
द्रुत डाँक सेवा (EMS) सम्बन्धि अन्तरक्रिया कार्यक्रम नेपालगञ्जमा सम्पन्न

द्रुत डाँक सेवा (EMS) सम्बन्धि अन्तरक्रिया कार्यक्रम नेपालगञ्जमा सम्पन्न

बिहीबार, चैत ५, २०८२ बागेश्वरी पोस्ट

नेपालगञ्ज । नेपालगञ्जमा द्रुत डाँक सेवा (EMS) सम्बन्धि अन्तरक्रिया कार्यक्रम गरिएको छ । हुलाक सेवा विभागद्वारा बिहिबार आयोजित द्रुत डाँक सेवा (EMS) सम्बन्धि अन्तरक्रिया कार्यक्रम जिल्ला हुलाक कार्यालय बाँकेको समन्वय-सहजीकरणमा सम्पन्न भएको हो । कार्यक्रममा सरोकारवालाहरूबीच सेवाको गुणस्तर, विस्तार र प्रभावकारिताबारे गहन छलफल गरिएको थियो ।

कार्यक्रमको अध्यक्षता गर्दै हुलाक सेवा विभागका महानिर्देशक मनमाया भट्टराई पंगेनीले सेवामा सुधार र नवप्रवर्तन आवश्यक रहेको उल्लेख गरिन् । उनले भनिन्, “हुलाक सेवा विभागलाई समय-सापेक्ष बनाउँदै जनताको अपेक्षा अनुसारको सेवा दिन हामी प्रतिबद्ध छौं । सेवामा गुणस्तर सुधार र विश्वसनीयता बढाउनु हाम्रो मुख्य लक्ष्य हो ।” हुलाक सेवा विभागका निर्देशक लिलाराज पौडेलले हुलाक सेवाको विगत र बर्तमानबारे जानकारी गराएका थिए । त्यसैगरी शाखा अधिकृत शालिकराम बस्यालले द्रुत डाँक सेवाको प्रक्रियाबारे विस्तृत जानकारी दिएका थिए । प्रमुख अतिथि जिल्ला समन्वय समिति बाँकेका प्रमुख ज्ञानेन्द्र कुमार चौधरीले ग्रामीण क्षेत्रमा सेवा विस्तारमा जोड दिए । उनले भने, “दूरदराजका नागरिकलाई समेत छिटो र सहज सेवा पुर्‍याउन स्थानीय सरकारसँग समन्वय गर्दै सेवा विस्तार गर्नु आवश्यक छ ।”

कार्यक्रममा मन्तव्य व्यक्त गर्दै बाँकेका सहायक प्रमुख जिल्ला अधिकारी महेशकुमार गुरुङले सेवा प्रभावकारी बनाउन सरकारी निकायबीच समन्वय आवश्यक रहेको बताए । उनले भने, “सार्वजनिक सेवामा विश्वसनीयता कायम गर्न पारदर्शिता र जवाफदेहिता अत्यन्त महत्वपूर्ण हुन्छ । हुलाक सेवाले जनताको विश्वास जित्ने गरी सुधार गर्नुपर्छ ।” कार्यक्रममा सहभागीहरूले द्रुत डाँक सेवाको प्रभावकारिता बढाउन सुझावहरू प्रस्तुत गरेका थिए । सहभागीहरूले सेवा विस्तार, जनचेतना अभिवृद्धि र प्रविधिको प्रयोग बढाउनुपर्नेमा जोड दिएका थिए । कार्यक्रममा स्वागत मन्तव्य जिल्ला हुलाक कार्यालय बाँकेका प्रमुख गजेन्द्र प्रकाश थारुले ब्यक्त गरेका थिए ।

May be an image of one or more people and dais