अवैध नदीजन्य पदार्थ उत्खनन् गर्ने सवारी साधन नियन्त्रणमा

स्थानीय

गृहपृष्ठ
स्थानीय
अवैध नदीजन्य पदार्थ उत्खनन् गर्ने सवारी साधन नियन्त्रणमा

अवैध नदीजन्य पदार्थ उत्खनन् गर्ने सवारी साधन नियन्त्रणमा

बिहीबार, चैत ५, २०८२ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेले अवैध रूपमा नदीजन्य पदार्थ उत्खनन् तथा ओसारपसारमा संलग्न चार वटा सवारी साधन नियन्त्रणमा लिएको छ ।

बाँके प्रहरीका अनुसार बैजनाथ गाउँपालिका–२ मैकैवारी क्षेत्रबाट अवैध उत्खनन् भइरहेको सूचनाका आधारमा खटिएको टोलीले जेसीबी १, टिप्पर २ र ट्याक्टर १ गरी जम्मा चार वटा सवारी साधन नियन्त्रणमा लिएको हो ।

नियन्त्रणमा लिइएका सवारी साधनहरूलाई आवश्यक कारबाहीका लागि बैजनाथ गाउँपालिकाको गाउँकार्यपालिकाको कार्यालयमा बुझाइएको प्रहरीले जनाएको छ । प्रहरीले नदीजन्य स्रोतको अवैध दोहन रोक्न नियमित अनुगमन तथा कारबाहीलाई तीव्र बनाइएको पनि जानकारी दिएको छ ।

प्रकाशित मिति: बिहीबार, चैत ५, २०८२ १४:४८

प्रतिक्रिया दिनुहोस्