मानव अधिकार समिति बाँकेको बैठकः सबै पालिकामा स्थानीय तह समन्वय समिति गठन गरिने

समाचार

गृहपृष्ठ
समाचार
मानव अधिकार समिति बाँकेको बैठकः सबै पालिकामा स्थानीय तह समन्वय समिति गठन गरिने

मानव अधिकार समिति बाँकेको बैठकः सबै पालिकामा स्थानीय तह समन्वय समिति गठन गरिने

सोमबार, चैत २३, २०८२ बागेश्वरी पोस्ट

नेपालगञ्ज । मानव अधिकार जिल्ला समन्वय समिति बाँकेले सबै पालिकाहरुमा स्थानीय तह समन्वय समिति गठन गर्ने निर्णय गरेको छ । त्यसका लागि सबै पालिकाहरुमा पत्राचार गर्ने निर्णय गरिएको हो । समितिको आज जिल्ला समन्वय समितिको सभाहल नेपालगञ्जमा सम्पन्न बैठकमा समग्र जिल्लाको मानव अधिकारको अवस्थाबारे छलफल समेत गरिएको छ । जिल्ला समन्वय समिति बाँकेका प्रमुख ज्ञानेन्द्र कुमार चौधरीको अध्यक्षतामा सम्पन्न बैठकमा मानव अधिकारको संरक्षण र प्रबद्र्धनको अवस्थाका बारेमा छलफल गरिएको हो ।

मधेश मानव अधिकार गृह (माहुरी होम) कपिलबस्तुको सहकार्य एवम् पिबिआईको सहयोगमा आयोजित छलफल तथा बैठकमा कार्यक्रम संयोजक रिखिराम निगमले माहुरी होम र पिबिआई परियोजनाले गरिरहेका काम र मानव अधिकारको अवस्था तथा चुनौतीबारे प्रस्तुतिकरण गरेका थिए । माहुरी होमले मानव अधिकार, लैङ्गिक समानता, सामाजिक न्याय र सिमान्तकृत समुदायको सशक्तिकरणका लागि काम गर्ने निगमले बताए ।

प्रकाशित मिति: सोमबार, चैत २३, २०८२ २०:०४

प्रतिक्रिया दिनुहोस्