गोपाल नीना फाउन्डेशनद्वारा बाल सुधार गृहलाई खेलकुद सामग्री हस्तान्तरण

समाचार

गृहपृष्ठ
समाचार
गोपाल नीना फाउन्डेशनद्वारा बाल सुधार गृहलाई खेलकुद सामग्री हस्तान्तरण

गोपाल नीना फाउन्डेशनद्वारा बाल सुधार गृहलाई खेलकुद सामग्री हस्तान्तरण

सोमबार, चैत २३, २०८२ बागेश्वरी पोस्ट

नेपालगन्ज । गोपाल नीना फाउन्डेशन नेपालद्वारा विश्व खेलकुद दिवसको अवसरमा जयन्दू बाल सुधार गृहलाई खेलकुद सामग्री हस्तान्तरण गरिएको छ ।

सोमवार आयोजित एक कार्यक्रमका वीच बाँकेको डुडुवा गाउँपालिका–६ आसमानपुरस्थित जयन्दू बाल सुधार गृहका बालकहरुका लागि बाँकेका सहायक प्रमुख जिल्ला अधिकारी महेन्द्र गुरुङ र फाउन्डेसनका सहनिर्देशक डा. तृप्ती पाल रमणले बाल सुधार गृहका प्रमुख किशोर शर्मालाई खेलकुद सामग्री हस्तान्तरण गरेका हुन् ।

सो अवसरमा प्रमुख अतिथि बाँकेका सहायक प्रमुख जिल्ला अधिकारी गुरुङले राज्यले बाल सुधार गृहको व्यवस्था गरेता पनि कानुनी विवादमा परेका बालकहरूको आवश्यकतालाई ध्यानमा राखेर ती बालकहरुका लागि खेलकुद सामग्रीहरु उपलब्ध गराएकोमा फाउन्डेसन परिवारलाई स्थानीय प्रशासनको तर्फबाट धन्यवाद दिए । इन्सेकका केन्द्रीय सदस्य अधिवक्ता विकास आचार्यले बालकहरुको आवश्यकतालाई महसुस गरेर खेलकुद सामग्री सहयोग गर्ने फाउन्डेसनको सराहना गरे ।

वरिष्ठ पत्रकार तथा समाजसेवी पूर्णलाल चुकेले फाउन्डेसनले स्थापना कालदेखि बिना बाह्य सहयोग शिक्षा, स्वास्थ्य, नियमित रक्तदान जस्ता मानवीय कार्यक्रमहरु आयोजना गर्दै आएको बताउँदै बाल सुधार गृहको माग र बालकहरुको रुची अनुसारका खेल सामग्रीहरु उपलब्ध गराइएकोमा सराहना गरे ।

जयन्दू बाल सुधार गृहका कार्यालय प्रमुख किशोर शर्माको अध्यक्षता तथा इन्सेकका प्रदेश प्रमुख भोला महतद्वारा सहजीकरण गरिएको उक्त कार्यक्रममा जग्गादाता दानवीर जयकेश सिंह, गोपाल नीना फाउन्डेशन नेपालका कार्यालय प्रमुख दिलीप सिंह, जनसम्पर्क अधिकृत विजयन्द्र जिसी, अनिल खनाल, बाल गृहमा आश्रित २०२ जना कानुनी विवादमा परेका बालकहरूको उपस्थिति रहेको थियो ।

प्रकाशित मिति: सोमबार, चैत २३, २०८२ २१:४७

प्रतिक्रिया दिनुहोस्