बैजनाथ गाउँपालिकामा मानव अधिकार समितिको बैठक सम्पन्न

स्थानीय

गृहपृष्ठ
स्थानीय
बैजनाथ गाउँपालिकामा मानव अधिकार समितिको बैठक सम्पन्न

बैजनाथ गाउँपालिकामा मानव अधिकार समितिको बैठक सम्पन्न

सोमबार, चैत ३०, २०८२ बागेश्वरी पोस्ट

नेपालगञ्ज । बाँकेको बैजनाथ गाउँपालिकामा मानव अधिकार समितिको बैठक सम्पन्न भएको छ । गाउँपालिकाका अध्यक्ष प्रकाश बहादुर शाहीको अध्यक्षतामा आयोजित बैठकमा विभिन्न महत्वपूर्ण विषयहरूमा छलफल गरी आवश्यक निर्णयहरु समेत लिइएको छ ।

बैठकमा गाउँपालिका उपाध्यक्ष निर्मला रोकाय, वडा अध्यक्षहरू, शाखा प्रमुखहरू र सरोकारवालाहरूको उपस्थिति रहेको थियो । सहभागीहरूले मानव अधिकार संरक्षण, सेवा प्रवाह सुधार र स्थानीय तहमा सुशासन प्रवद्र्धन गर्ने विषयमा धारणा व्यक्त गरेका थिए । अल्पसंख्यक, सिमान्तकृत, अति सिमान्तकृत र दलित समुदायका किशोरीहरूलाई शिक्षा, स्वास्थ्य र कृषिमा विशेष व्यवस्था गर्नुपर्ने आवश्यकतामा पनि जोड दिइएको थियो ।

बैठकमा शिक्षा, स्वास्थ्य, महिला र बालबालिका र नागरिक समाजसँग सम्बन्धित विविध विषयहरूमा विस्तृत छलफल भएको थियो । साथै, स्थानीयस्तरमा जनतालाई प्रभावकारी सेवा प्रदान गर्न आवश्यक पहलहरू गर्ने निर्णय भएको जानकारी दिइएको छ । कार्यक्रमको अन्त्यमा उपस्थित सदस्यहरूले हस्ताक्षर गर्दै बैठकका निर्णयहरू कार्यान्वयन गर्ने प्रतिबद्धता जनाएका थिए ।

मधेश मानव अधिकार गृह (माहुरी होम) को आयोजना र पिबिआईको सहयोगमा भएको बैठकमा कार्यक्रम संयोजक रिखिराम निगमले माहुरी होम र पिबिआई परियोजनाले गरिरहेका कामहरू र मानव अधिकारको वर्तमान अवस्था तथा चुनौतीहरूबारे प्रस्तुतिकरण गरेका थिए । माहुरी होमले मानव अधिकार, लैङ्गिक समानता, सामाजिक न्याय र सिमान्तकृत समुदायको सशक्तिकरणका लागि काम गरिरहेको निगमले बताए । केन्द्रीय अध्यक्ष राम दयाल ठाकुरले माहुरी होमले मधेशी, अल्पसंख्यक, सिमान्तकृत, दलित, महिला र मुस्लिम समुदायको मानव अधिकार संरक्षण र सम्मानमा काम गरिरहेको बताउँदै यस कार्यमा जनप्रतिनिधि र स्थानीय सरकारको सहयोग आवश्यक रहेकोमा जोड दिए ।

बैठकमा सल्लाहकार दिनेश चन्द त्रिपाठी, सदस्य सीता चौधरी लगायतको सहभागिता रहेको थियो । संरक्षण परियोजना पिबिआई नेपालको सहयोगमा बाँके, दाङ र कपिलवस्तुमा सञ्चालित छ । माहुरी होमका बाँके जिल्ला अध्यक्ष एवम् संरक्षण परियोजनाका सामाजिक परिचालक दिनेश ठाकुरले माहुरी होमले सञ्चालन गरेको संरक्षण परियोजना अन्तर्गत अल्पसङ्ख्यक, सिमान्तकृत समुदायको पहिचान तथा सामाजिक न्याय प्राप्तिको अवस्था विषयक बैठक आयोजना गरिएको बताए ।

प्रकाशित मिति: सोमबार, चैत ३०, २०८२ १७:३८

प्रतिक्रिया दिनुहोस्