वीरगञ्ज भित्रियो ८४ बुलेट एलपी ग्यास, साढे २८ लाख केएल पेट्रोल

अर्थ

गृहपृष्ठ
अर्थ
वीरगञ्ज भित्रियो ८४ बुलेट एलपी ग्यास, साढे २८ लाख केएल पेट्रोल

वीरगञ्ज भित्रियो ८४ बुलेट एलपी ग्यास, साढे २८ लाख केएल पेट्रोल

बिहीबार, चैत १३, २०७६ बागेश्वरी पोस्ट

वीरगन्ज । कोभिड–१९ को संक्रमणबाट जोगिन सङ्घीय सरकारले विगत ४ दिनदेखि देशभर लगाउँदै आएको ‘लकडाउन’को समयमा पनि भारतबाट वीरगञ्ज नाका भएर ग्यास र पेट्रोलियम पदार्थ भित्रिएका छन् ।

भन्सार कार्यालयका अनुसार चैत १० गतेदेखि लागु भएको लकडाउनको समयमा भारतको विभिन्न ठाउँबाट १२ गतेसम्म ८४ बुलेट एलपी ग्यास, २८ लाख ५२ हजार किलो लिटर पेट्रोल र २७ लाख ५२ हजार किलो लिटर डिजेल नेपाल भित्रिएको छ ।

सोहि अवधिमा तरकारी खाद्यान्न लगायतका सामानहरु सहज रुपमा भित्रिएको छ भने आजपनि त्यस्ता अत्यावश्यक सामग्री स्वदेश भित्रिएको भन्सार कार्यालयका सूचना अधिकारी विमलकुमार साहले बताए ।

यसैबीच प्रदेश नं २ ट्राफिक प्रहरी कार्यालय पथलैयाबारा अनुसार लकडाउनको समयमा सङ्घीय सरकारले छुट दिएका सवारी साधनहरु बाहेक अन्य सवारी साधन चलेका छैनन् ।

लकडाउनको समयमा अति आवश्यक एम्बुलेन्स, खाद्यान्न, फलफूल, तरकारी बोकेको तथा पेट्रोलियम पदार्थ बोकेको सवारी साधन निर्वाध रुपमा चलेको सो कार्यालयका ट्राफिक प्रहरी उपरीक्षक श्यामकुमार महतोले बताए । आजकोअर्थबाट

प्रकाशित मिति: बिहीबार, चैत १३, २०७६ १९:२९

प्रतिक्रिया दिनुहोस्