दशनामी समाज बाँकेको चौथो अधिवेशन सम्पन्न, पूर्णदेवको नेतृत्वमा नयाँ कार्यसमिति चयन

समाचार

गृहपृष्ठ
समाचार
दशनामी समाज बाँकेको चौथो अधिवेशन सम्पन्न, पूर्णदेवको नेतृत्वमा नयाँ कार्यसमिति चयन

दशनामी समाज बाँकेको चौथो अधिवेशन सम्पन्न, पूर्णदेवको नेतृत्वमा नयाँ कार्यसमिति चयन

मंगलबार, वैशाख ८, २०८३ बागेश्वरी पोस्ट

नेपालगञ्ज । नेपाल दशनामी समाज बाँकेको चौथो जिल्ला अधिवेशन आद्यगुरु शंकराचार्यको १२३८औं जन्मजयन्तिको अवसर पारेर सम्पन्न भएको छ । नेपालगञ्जमा आज अधिवेशनसँगै शुभकामना आदान–प्रदान कार्यक्रम पनि आयोजना गरिएको थियो । कार्यक्रम दशनामी समाज बाँकेका जिल्ला अध्यक्ष गोपाल प्रसाद गिरीको अध्यक्षतामा सम्पन्न भएको हो । कार्यक्रममा केन्द्रीय सल्लाहकार केशर गिरी प्रमुख अतिथि तथा केन्द्रीय सदस्य झग्गु गिरी विशिष्ट अतिथिका रूपमा सहभागी भएका थिए । अधिवेशनमा प्रदेश सचिव होमनाथ गिरीले स्वागत मन्तव्य व्यक्त गरेका थिए भने कार्यक्रम सञ्चालन पूर्व केन्द्रीय सचिव नारद पुरीले गरेका थिए ।

सोही अवसरमा समाजको नयाँ कार्यसमिति पनि चयन गरिएको छ । पूर्णदेव गिरीको अध्यक्षतामा २३ सदस्यीय नयाँ समिति गठन गरिएको हो । नयाँ समितिको उपाध्यक्षमा कृष्ण गिरी तथा महिला उपाध्यक्षमा सरस्वती गिरी भारती चयन भएका छन्। त्यसैगरी सचिवमा रुक्मिणा भारती, सह–सचिवमा विरेन्द्र गिरी र कोषाध्यक्षमा गोपालराज गिरी चयन भएका छन् । सदस्यहरूमा रामबहादुर गिरी, बिरबहादुर गिरी, जितु गिरी, सूर्य गिरी, माया गिरी, पवित्रा पुरी, गंगा गिरी, होमराज गिरी, दिनेश भारती, राजेश भारती, डम्बर गिरी, तुलसी गिरी, आनन्द गिरी, देवराज गिरी, प्रदिपराज भारती, लक्ष्मी गिरी र मनबहादुर गिरी रहेका छन्।

नयाँ नेतृत्वले संगठनलाई थप सशक्त बनाउँदै सामाजिक एकता र सांस्कृतिक पहिचानको संरक्षणमा सक्रिय भूमिका खेल्ने विश्वास व्यक्त गरिएको छ ।

प्रकाशित मिति: मंगलबार, वैशाख ८, २०८३ २१:१७

प्रतिक्रिया दिनुहोस्