नेपालगञ्जमा वकिलमाथि हातपात र दुर्व्यवहार, बार एसोसिएसनको कडा आपत्ति

समाचार

गृहपृष्ठ
समाचार
नेपालगञ्जमा वकिलमाथि हातपात र दुर्व्यवहार, बार एसोसिएसनको कडा आपत्ति

नेपालगञ्जमा वकिलमाथि हातपात र दुर्व्यवहार, बार एसोसिएसनको कडा आपत्ति

शुक्रबार, वैशाख ११, २०८३ बागेश्वरी पोस्ट

नेपालगञ्ज । नेपालगञ्ज उच्च अदालत बार एसोसिएसनले एक अधिवक्तामाथि भएको दुर्व्यवहारप्रति गम्भीर ध्यानाकर्षण जनाएको छ । बारका अनुसार उच्च अदालत बार एसोसिएसनकी सदस्य समेत रहेकी अधिवक्ता दुर्गा कुमारी खड्कामाथि शुक्रबार आफ्नै 'ल फर्म' मा बसिरहेको अवस्थामा केही व्यक्तिहरूले प्रवेश गरी हातपात तथा दुर्व्यवहार गरेका हुन् । घटनाका क्रममा कार्यालयभित्र रहेका कागजात, मुद्दाका फाइल तथा अन्य सामग्री समेत छरपस्ट पारिएको र क्षति पुर्‍याइएको जनाइएको छ ।

प्रेस विज्ञप्तिमा पीडित अधिवक्तामाथि अपशब्द प्रयोग, दुर्व्यवहार तथा हातपात समेत भएको उल्लेख गर्दै यस्तो गतिविधि कानुन व्यवसायीको पेशागत मर्यादामाथि गम्भीर आक्रमण भएको बताइएको छ । बार एसोसिएसनले दोषीलाई तत्काल कानुनी दायरामा ल्याई कडा कारबाही गर्न माग गर्दै कानुन व्यवसायीहरूको जिउधन तथा पेशागत सुरक्षाको ग्यारेन्टी गर्न नेपाल सरकार, गृह मन्त्रालय र प्रहरी प्रशासनसँग आग्रह गरेको छ ।

उच्च बारका अध्यक्ष पवन कुमार गुप्ता र जिल्ला बारका अध्यक्ष मेहर सिंह खत्रीले संयुक्त विज्ञप्ती जारी गरेर घटनाको भत्सर्ना गर्दै दोषीमाथि कारबाहीको माग गरेका छन् ।

May be an image of ticket stub, blueprint and text