गैसस महासंघ बाँकेको १० औं अधिवेशन जेठ १२ गते हुने

समाचार

गृहपृष्ठ
समाचार
गैसस महासंघ बाँकेको १० औं अधिवेशन जेठ १२ गते हुने

गैसस महासंघ बाँकेको १० औं अधिवेशन जेठ १२ गते हुने

बुधबार, वैशाख १६, २०८३ बागेश्वरी पोस्ट

नेपालगञ्ज । गैरसरकारी संस्थाहरुको छाता संगठन गैरसरकारी संस्था महासंघ नेपाल बाँके शाखाको १० औँ अधिवेशन तथा २३ औं साधारण सभा यही जेठ १२ गते हुने भएको छ । बुधबार बसेको गैसस महासंघ नेपाल बाँके शाखाको कार्यसमिति बैठकले जेठ १२ गते अधिबेशन गर्ने निर्णय गरेको हो ।

अधिवेशन सफल पार्नका लागि जेठ ५ गतेभित्र आवद्ध संस्थाहरुको नविकरण गरिसक्ने बैठकले निर्णय गरेको छ । अधिबेशनमा गैसस महासंघ नेपालका केन्द्रीय अध्यक्ष अर्जुन भट्टराई, केन्द्रीय महासचिब देवी खड्का, केन्द्रीय सचिब नमस्कार शाह लगायतको सहभागिता रहनेछ ।

गैर सरकारी संस्था महासंघ नेपाल बाँके शाखा अध्यक्ष चन्द्र प्रसाद तिमिल्सिनाको अध्यक्षतामा बसेको बैठकले अधिबेशनलाई सफल पार्न सम्पूर्ण आबद्ध संस्थाहरुलाइ अनुरोध गर्ने निर्णय गरेको शाखा उपाध्यक्ष मन भण्डारीले बताए । बैठकमा गैसस महासंघ नेपालका केन्द्रीय सचिब शाह, शाखाका पदाधिकारी तथा सदस्यहरुको सहभागिता रहेको थियो ।

प्रकाशित मिति: बुधबार, वैशाख १६, २०८३ २०:२६

प्रतिक्रिया दिनुहोस्