बाल विद्या माविमा मानव बेचबिखन तथा ओसारपसारविरुद्ध अभिमुखीकरण

समाचार

गृहपृष्ठ
समाचार
बाल विद्या माविमा मानव बेचबिखन तथा ओसारपसारविरुद्ध अभिमुखीकरण

बाल विद्या माविमा मानव बेचबिखन तथा ओसारपसारविरुद्ध अभिमुखीकरण

मंगलबार, वैशाख २९, २०८३ बागेश्वरी पोस्ट

कोहलपुर । कोहलपुर नगरपालिका–६ स्थित बाल विद्या माध्यमिक विद्यालयका विद्यार्थीहरुलाई मानव बेचबिखन तथा ओसारपसारविरुद्ध अभिमुखीकरण गरिएको छ । समाज सेवा संस्था नेपालको आयोजना तथा कोहलपुर नगरपालिका न्यायिक समितिको सहयोगमा कार्यक्रम भएको हो । संस्थाका जेष्ठ सदस्य गुरुप्रसाद गडरियाको अध्यक्षतामा भएको उद्घाटन कार्यक्रममा बोल्दै इप्रका कोहलपुरका डिएसपी चक्र डम्बर पालले मानव बेचबिखन तथा ओसारपसार समाजका लागि गम्भीर अपराध भएको उल्लेख गर्दै विद्यार्थी तहबाटै सचेतना आवश्यक रहेको बताए । उनले सामाजिक सञ्जाल तथा विभिन्न प्रलोभनमार्फत हुने मानव बेचबिखनका घटनाप्रति सतर्क रहन आग्रह गर्दै कानुनी जानकारीले अपराध न्यूनीकरणमा सहयोग पुग्ने धारणा राखे ।

May be an image of one or more people, dais and text that says 'आ.व. २०८२/०८३ माजत अधिकार. माझअधिकार.मानव मानव बेचबिरन नथा ओसारपसार विरुदु बृहत अभिमुखिकरण कार्यत्रम च्यान कस्र कोस्र K6acTa मिति: dacal सहरोेज 保 ရ်အး आयोजक JiC ስቤ क मडशसा मत መማር सम JE Galaxy GalaxyA565G A56 5G'

त्यसैगरी प्रहरी निरीक्षक सानु श्रेष्ठले मानव अधिकार प्रत्येक नागरिकको आधारभूत अधिकार भएको बताउँदै बालबालिका तथा किशोरकिशोरीहरु आफैं सचेत भएमा धेरै जोखिमबाट बच्न सकिने उल्लेख गरिन् । कार्यपत्र समेत प्रस्तुत गरेकी उनले सुरक्षित समाज निर्माणका लागि विद्यालयस्तरको अभिमुखीकरण प्रभावकारी हुने बताइन् । विद्यालय व्यवस्थापन समितिका अध्यक्ष गोबिन्द सुवेदीले विद्यार्थीहरुलाई समयसापेक्ष ज्ञान र सचेतना प्रदान गर्न यस्ता कार्यक्रम आवश्यक रहेको बताए ।

कार्यक्रममा कोहलपुर नगरपालिकाका प्रेस संयोजक प्रियास्मृति ढकालले मानव अधिकार संरक्षणका लागि सबै पक्षको सहकार्य आवश्यक रहेको बताए । उनले मानव अधिकार जन्मसिद्ध अधिकार भएकाले कसैले खोस्न नपाउने बताए । यस्तै बिराट नेपाल मेडिकल ट्रष्टका कार्यक्रम संयोजक बबिता पाण्डेले मानव बेचबिखनले व्यक्तिको जीवन, स्वास्थ्य र भविष्यमा गम्भीर असर पार्ने बताउँदै सचेतना नै यसको रोकथामको मुख्य उपाय भएको धारणा राखिन् । उनले विद्यार्थीहरुलाई कुनै पनि शंकास्पद गतिविधिबारे सम्बन्धित निकायलाई जानकारी गराउन आग्रह गरिन् ।

कार्यक्रममा विद्यार्थी, शिक्षक तथा सरोकारवाला निकायका प्रतिनिधिहरुको सहभागिता रहेको थियो । कार्यक्रमको सहजीकरण बिनोद थापाले गरेका थिए ।

प्रकाशित मिति: मंगलबार, वैशाख २९, २०८३ १५:२०

प्रतिक्रिया दिनुहोस्