भायानेटद्वारा वाईफाई–६ सहितको २५० एमबिपिएस प्याकेज सार्वजनिक, भायाटिभीमार्फत विश्वकप हेर्न सकिने

अर्थ

गृहपृष्ठ
अर्थ
भायानेटद्वारा वाईफाई–६ सहितको २५० एमबिपिएस प्याकेज सार्वजनिक, भायाटिभीमार्फत विश्वकप हेर्न सकिने

भायानेटद्वारा वाईफाई–६ सहितको २५० एमबिपिएस प्याकेज सार्वजनिक, भायाटिभीमार्फत विश्वकप हेर्न सकिने

आइतबार, जेठ २४, २०८३ बागेश्वरी पोस्ट

काठमाडौं । भायानेट कम्युनिकेसन्सले वाईफाई–६ प्रविधिसहितको २५० एमबिपिएस इन्टरनेट प्याकेज वार्षिक १३ हजार ८०० रुपैयाँ (करसहित) मा उपलब्ध गराएको जनाएको छ । कम्पनीका अनुसार उक्त प्याकेजमा सामान्यतया २ हजार ८२५ रुपैयाँ लाग्ने वाईफाई–६ ओएनयू जडान शुल्क नलाग्नेछ भने ग्राहकले १ हजार रुपैयाँ डिपोजिट मात्र तिर्नुपर्नेछ ।

कम्पनीले उच्च गति, भरपर्दो कनेक्टिभिटी र आधुनिक इन्टरनेट अनुभव खोज्ने ग्राहकलाई लक्षित गर्दै यो योजना ल्याएको जनाएको छ । यस प्याकेजसँगै ग्राहकले प्रतिमहिना २५० रुपैयाँ (करसहित) मा भायाटिभी सेवा पनि जोड्न सक्नेछन् ।

भायाटिभीमार्फत २०० भन्दा बढी टेलिभिजन च्यानल, लाइभ टिभी पज तथा रिवाइन्ड, कार्यक्रम तालिका, चलचित्र र सिरिजलगायतका सुविधा उपलब्ध हुने कम्पनीले जनाएको छ । वार्षिक प्याकेज लिने ग्राहकले पहिलो सेट–टप बक्समा लाग्ने २ हजार २६० रुपैयाँ सक्रिय शुल्कबाट पनि छुट पाउनेछन् । सेट–टप बक्सका लागि १ हजार रुपैयाँ डिपोजिट भने कायम रहनेछ ।

ग्राहकलाई थप सुविधा दिन कम्पनीले ‘डामी एप’सँग सहकार्य गरेको छ । यस अन्तर्गत वार्षिक प्याकेज नवीकरण गर्ने ग्राहकले १ हजार ५०० रुपैयाँ बराबरको एक वर्षे सदस्यता निःशुल्क प्राप्त गर्नेछन् । डामी एपमार्फत रेस्टुरेन्ट, कपडा पसल, सैलुन तथा अन्य विभिन्न व्यवसायिक प्रतिष्ठानमा छुट सुविधा उपलब्ध हुने बताइएको छ । यो सुविधा हाल काठमाडौं, पोखरा र चितवनका ग्राहकका लागि मात्र लागू हुनेछ ।

कम्पनीले यस वर्षको प्रचार अभियानलाई “अब स्टेडियम घरमै, मनोरञ्जन अब घरमै” भन्ने नारासहित अघि बढाएको छ ।

यसैबीच, भायाटिभी प्रयोगकर्ताले फुटबल विश्वकप–२०२६ हेर्न आवश्यक कुपन पनि खरिद गर्न सक्ने भएका छन् । विश्वकपको नेपाल प्रसारण अधिकार हिमालय टिभीसँग रहेको छ । निर्धारित शुल्क अनुसार ग्राहकले प्रति टिभी ९९९ रुपैयाँ तिरेर हिमालय स्पोर्ट्स च्यानलमार्फत विश्वकपका खेल प्रत्यक्ष हेर्न सक्नेछन् ।

कुपन ईसेवा, खल्ती, फोनपे, कनेक्ट आइपिएस लगायतका डिजिटल भुक्तानी माध्यमबाट खरिद गर्न सकिनेछ । भायाटिभीमा देखिने क्यूआर कोड स्क्यान गरेर पनि कुपन खरिद गर्न सकिने व्यवस्था गरिएको कम्पनीले जनाएको छ ।

कम्पनीका अनुसार एउटा कुपन एकवटा टिभीमा मात्र प्रयोग गर्न सकिनेछ र एकपटक सक्रिय गरिसकेपछि अर्को टिभीमा स्थानान्तरण गर्न मिल्ने छैन ।

थप जानकारीका लागि ग्राहकले भायानेटको ग्राहक सेवा नम्बर ०१–५९७०६४४ मा सम्पर्क गर्न वा नजिकको सेवा केन्द्रमा पुग्न सक्ने कम्पनीले जनाएको छ ।

प्रकाशित मिति: आइतबार, जेठ २४, २०८३ १९:२८

प्रतिक्रिया दिनुहोस्