बैजनाथमा तीन दिने डिजिटल पत्रकारिता तालिम सुरु

स्थानीय

गृहपृष्ठ
स्थानीय
बैजनाथमा तीन दिने डिजिटल पत्रकारिता तालिम सुरु

बैजनाथमा तीन दिने डिजिटल पत्रकारिता तालिम सुरु

सोमबार, जेठ २५, २०८३ बागेश्वरी पोस्ट

नेपालगञ्ज । बाँकेको बैजनाथ गाउँपालिकामा डिजिटल पत्रकारिता तालिम सुरु भएको छ । नेपाल पत्रकार महासंघ बाँके शाखाको आयोजना र बैजनाथ गाउँपालिकाको आर्थिक सहयोगमा सोमबारदेखि तीन दिने तालिम सुरु भएको हो । महासंघ बाँकेका उपाध्यक्ष तिलक गाउँलेको अध्यक्षता एवम् पालिकाका अध्यक्ष प्रकाश बहादुर शाहीको प्रमुख आतिथ्यतामा सम्पन्न उद्घाटन सत्रमा गाउँपालिकाका अध्यक्ष शाहीले सत्यता र प्रमाणको आधारमा निष्पक्ष पत्रकारिता गर्नुपर्नेमा जोड दिए ।

तथ्यपूर्ण, सन्तुलित र विश्वसनीय पत्रकारिताले मात्रै सही दिशानिर्देश गर्न सक्ने भन्दै उनले डिजिटल माध्यमको प्रयोगमा गम्भीर र संवेदनशील बन्न सक्नुपर्ने बताए । उनले पत्रकारिता सिक्दै गरेका नवयुवालाई गाउँपालिकाको दृष्टि पुग्न नसकेको ठाउँमा सही तथ्य बाहिर ल्याउन भूमिका खेल्नुपर्ने आवश्यकता औंल्याए । उनले तालिममा सिकेको सीपलाई ब्यवहारमा उतारे मात्र तालिम लिनुको सार्थकता रहने स्पष्ट पारे । डिजिटल युगमा डिजिटल पत्रकारिताको महत्व बुझेर गाउँपालिकाले पत्रकार महासंघसंग सहकार्य गरेर तालिम सञ्चालन गरेको बताए ।

तालिममा पहिलो दिन पत्रकार शंकर प्रसाद खनालले सहजीकरण गरेको सचिव कृष्ण ओलीले बताए । तालिममा पालिकाका आठै वडाको सहभागिता छ ।

May be an image of one or more people, people smiling, table, dais and text May be an image of dais and text