मुस्लिम महिलाका लागि सशक्तिकरण तालिम

स्थानीय

गृहपृष्ठ
स्थानीय
मुस्लिम महिलाका लागि सशक्तिकरण तालिम

मुस्लिम महिलाका लागि सशक्तिकरण तालिम

बुधबार, जेठ २७, २०८३ बागेश्वरी पोस्ट

कोहलपुर । कोहलपुरका मुस्लिम महिलाहरूलाई महिला अधिकार तथा सशक्तिकरणसम्बन्धी तालिम प्रदान गरिएको छ । फातिमा फाउण्डेसन नेपालगन्जको आयोजना तथा कोहलपुर नगरपालिकाको सहयोगमा आयोजित उक्त तालिममा कोहलपुर नगरपालिका वडा नं. ४ बेडनपुर र वडा नं. ९ झन्डहवाका मुस्लिम महिलाहरूलाई चार दिनसम्म प्रशिक्षण दिइएको कार्यक्रमकी संयोजक गंगा ओलीले जानकारी दिइन् । तालिममा मौलाना ओबैदुर्रहमान खान लगायतले महिला अधिकार, महिलाले निर्वाह गर्नुपर्ने कर्तव्य तथा सामाजिक भूमिकाका विषयमा प्रशिक्षण दिएका थिए ।

May be an image of flute, violin, dais and text

तालिम समापन कार्यक्रममा बोल्दै कोहलपुर नगरपालिकाको आर्थिक विकास समितिकी संयोजक अनिता बुढा क्षेत्रीले पछिल्लो समय मुस्लिम महिलाहरूको सशक्तिकरणमा उल्लेखनीय सुधार आएको बताइन् । उनले आफ्नो अधिकार प्राप्तिका लागि महिलाहरू स्वयं अग्रसर हुनुपर्नेमा जोड दिइन् । त्यसैगरी, सुशासन समितिकी संयोजक सुनिता विष्टले सचेतनामूलक कार्यक्रम तथा शिक्षाको विकाससँगै मुस्लिम महिलाहरूमा चेतनाको स्तर वृद्धि भएको बताइन् । फातिमा फाउण्डेसनकी अध्यक्ष मैमुना सिद्दिकीको अध्यक्षतामा सम्पन्न कार्यक्रममा कोहलपुर नगरपालिकाको आर्थिक विकास शाखाका निमित्त प्रमुख वीरबहादुर विक, अधिकारकर्मी गंगा ओली लगायतले आ–आफ्ना धारणा राखेका थिए । तालिममा ६० जना मुस्लिम महिलाहरु सहभागी थिए ।

प्रकाशित मिति: बुधबार, जेठ २७, २०८३ १८:०४

प्रतिक्रिया दिनुहोस्