नेपालगञ्ज उपमहानगरपालिकाले विपद् प्रभावित घर-परिवारलाई राहत रकम प्रदान गर्ने

स्थानीय

गृहपृष्ठ
स्थानीय
नेपालगञ्ज उपमहानगरपालिकाले विपद् प्रभावित घर-परिवारलाई राहत रकम प्रदान गर्ने

नेपालगञ्ज उपमहानगरपालिकाले विपद् प्रभावित घर-परिवारलाई राहत रकम प्रदान गर्ने

बुधबार, जेठ २७, २०८३ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले विपद् प्रभावित घर-परिवारलाई राहत रकम प्रदान गर्ने भएको छ । स्थानीय विपद् ब्यवस्थापन समितिको बुधबार बसेको बैठकले विपद् प्रभावित ८ घर-परिवारलाई जनही १० हजार रुपैयाँ राहत प्रदान गर्ने निर्णय गरेको हो । आगलागी, हावाहुरी र बर्षाले विभिन्न समयमा घरमा क्षति पुगेका परिवारले माग गरेको आधारमा राहत रकम प्रदान गर्ने निर्णय गरिएको हो । सम्बन्धित वडा कार्यालयको सिफारिस, प्रहरीको मुचुल्का लगायत आवश्यक कागजातको आधारमा राहत रकम प्रदान गरिने विपद् फोकल पर्सन दिपेन्द्र श्रेष्ठले बताए ।

नगर प्रमुख प्रशान्त विष्टको अध्यक्षतामा बसेको बैठकबाट मनसून पूर्व तयारी तथा प्रतिकार्य योजना २०८३ लाई अद्यावधिक गर्दै प्रभावकारीरुपमा कार्यान्वयनमा लैजाने निर्णय पनि गरिएको छ । यस्तै नेपालगञ्ज उपमहानगरपालिकाको सेवा निरन्तरता योजनालाई पनि अद्यावधिक गर्ने निर्णय बैठकले गरेको विपद् फोकल पर्सन श्रेष्ठले जानकारी दिए । विपद्को अवधिमा पनि आफ्नो सेवालाई निरन्तरता दिने गरी नेपालगञ्ज उपमहानगरपालिकाले यस अघि नै सेवा निरन्तरता योजना तयार गरिसकेको छ ।

प्रकाशित मिति: बुधबार, जेठ २७, २०८३ १८:१४

प्रतिक्रिया दिनुहोस्