मदिरा तथा लागुऔषध नियन्त्रणका लागि ज्ञापनपत्र

स्वास्थ्य

गृहपृष्ठ
स्वास्थ्य
मदिरा तथा लागुऔषध नियन्त्रणका लागि ज्ञापनपत्र

मदिरा तथा लागुऔषध नियन्त्रणका लागि ज्ञापनपत्र

शुक्रबार, असार १२, २०८३ बागेश्वरी पोस्ट

नेपालगञ्ज । लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवसको अवसरमा मदिरा तथा लागुऔषधको बढ्दो दुरुपयोग नियन्त्रणका लागि पहल लिन ध्यानाकर्षण गराउँदै ADD Network (अल्कोहल, ड्रग्स एण्ड डेभलपमेन्ट) बाँकेले प्रमुख जिल्ला अधिकारीमार्फत प्रधानमन्त्री र नेपालगञ्ज उपमहानगरपालिका वडा नं. ९ का वडा अध्यक्षलाई छ्ट्टाछुट्टै भेटेर ज्ञापनपत्र बुझाएको छ । शुक्रबार जिल्ला प्रशासन कार्यालय पुगेर प्रमुख जिल्ला अधिकारी दिलकुमार तामाङ र वडा कार्यालयमा पुगेर वडा अध्यक्ष गोविन्द रेग्मीलाई संस्थाका प्रतिनिधिहरूले ज्ञापनपत्र हस्तान्तरण गर्दै मदिरा तथा लागुऔषधको बढ्दो दुरुपयोग रोकथामका लागि प्रभावकारी कार्यक्रम सञ्चालन गर्न आग्रह गरेका हुन् ।

ज्ञापनपत्रमार्फत विद्यालय तथा समुदायमा नियमित सचेतनामूलक कार्यक्रम सञ्चालन, जोखिममा रहेका बालबालिका तथा युवाका लागि परामर्श र पुनःस्थापना सेवामा पहुँच विस्तार, मदिरा तथा लागुऔषध नियन्त्रणमा स्थानीय सरकार, प्रहरी तथा सरोकारवाला निकायबीच समन्वय सुदृढ गर्ने, समुदायमा निगरानी तथा जनचेतना अभिवृद्धि गर्ने लगायतका मागहरू प्रस्तुत गर्दै ध्यानाकर्षण गरिएको सिविन नेपालका नेपालगन्ज प्रमुख एवम् ADD Network का शिद्धराज पनेरूले बताए ।

प्रकाशित मिति: शुक्रबार, असार १२, २०८३ २२:०९

प्रतिक्रिया दिनुहोस्