बालमैत्री स्थानीय शासनबारे अभिमुखीकरण

स्थानीय

गृहपृष्ठ
स्थानीय
बालमैत्री स्थानीय शासनबारे अभिमुखीकरण

बालमैत्री स्थानीय शासनबारे अभिमुखीकरण

शनिबार, असार १३, २०८३ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १३ का बालबालिकाहरुलाई बालमैत्री स्थानीय शासनबारे अभिमुखीकरण तथा शैक्षिक सामग्री वितरण गरिएको छ । नेपालगञ्ज उपमहानगरपालिका १३ नम्बर वडा कार्यालयको सहयोग तथा नाइस नेपालगञ्जको आायेजनामा शनिबार उक्त कार्यक्रम सम्पन्न भएको हो ।

कार्यक्रममा बालबालिकाहरुलाई शैक्षिक सामग्री वितरण पश्चात बोल्दै वडा अध्यक्ष सुरेश सिंह ठाकुरले बालमैत्री स्थानीय शासन अबको आवश्यकता भएको बताए । उनले बालबालिकाहरुको चौतर्फी विकासका लागि क्षमता अभिबृद्धि र उत्प्रेरणा आवश्यक रहेको बताए । वडाले बालबालिकाको क्षमता अभिबृद्धि तथा शैक्षिक सहयोगका कार्यक्रम सञ्चालन गर्दै आएको बताउँदै सक्रिय भएर काम गर्न बाल क्लबका पदाधिकारीहरुलाई अनुरोध गरे । बालमैत्री स्थानीय शासन बिषयक अभिमुखीकरणले बालबालिकालाई बालमैत्री अभियानको आधारभूत जानकारी हुनुका साथै शैक्षिक सहयोगले अध्यापनमा टेवा पुग्ने विश्वास ब्यक्त गरे । उनले सहभागी बालबालिकाहरुलाई सिकेको कुरा ब्यवहारमा लागू गर्न अनुरोध गरे ।

बाल क्लबमा आबद्ध २० जना बालबालिकाहरुको सहभागिता रहेको अभिमुखीकरणमा बालमैत्री सथानीय शासनका विभिन्न बिषयमा नाइस नेपालगञ्जका अध्यक्ष हेमराज भट्टले प्रशिक्षण दिएका थिए । नाइस नेपालगञ्जका उपाध्यक्ष शोभा थापा मगरले सञ्चालन गरेको कार्यक्रममा स्वागत मन्तब्य नाइस नेपालगञ्जका सदस्य शुद्ध प्रसाद चौधरीले गरेका थिए भने कार्यक्रमको उद्देश्यमाथि नाइस नेपालगञ्जका सदस्य राष्टि बुढा मगरले प्रकाश पारेकी थिइन् । अभिमुखीकरण पश्चात प्रतिक्रिया राख्दै तालिमका सहभागी बालबालिकाहरुले अभिमुखीकरणबाट बालमैत्री स्थानीय शासनका बिषयमा धेरै जानकारी हासिल भएको बताएका थिए । उनीहरुले अबको दिनमा बाल क्लबलाई सक्रिय बनाउँदै अगाडि बढाउने प्रतिबद्धता ब्यक्त गरेका थिए ।

प्रकाशित मिति: शनिबार, असार १३, २०८३ २१:४९

प्रतिक्रिया दिनुहोस्