रक्तजन्य रोगबारे अभिमुखीकरण

स्वास्थ्य

गृहपृष्ठ
स्वास्थ्य
रक्तजन्य रोगबारे अभिमुखीकरण

रक्तजन्य रोगबारे अभिमुखीकरण

शनिबार, असार १३, २०८३ बागेश्वरी पोस्ट

नेपालगन्ज । नेपालगन्ज उपमहानगरपालिकाले जनप्रतिनिधि तथा सञ्चारकर्मीहरुलाई सिकलसेल एनिमिया, थालेसिमिया लगायत रक्तजन्य रोगबारे जानकारी प्रदान गरेको छ ।उपमहानगरपालिकाको जनस्वास्थ्य प्रवर्द्धन शाखाले शनिवार नेपालगन्जमा आयोजना गरेको अभिमुखीकरण कार्यक्रममा जनप्रतिनिधि तथा सञ्चारकर्मीहरुलाई रक्तजन्य रोगबारे जानकारी प्रदान गरिएको हो ।

भेरी अस्पतालका प्रमुख कन्सल्टेन्ट फिजिसियन तथा सिकलसेल विज्ञ डा. राजन पाण्डेले सिकलसेल एनिमिया, थालेसिमिया लगायतका रक्तजन्य रोगको परिचय, कारण, लक्षण, रोकथाम, परीक्षण र उपचारका विषयमा जानकारी गराएका थिए । उनले यस्ता रोगबारे जनचेतना अभिवृद्धि गर्न जनप्रतिनिधि र सञ्चारकर्मीको भूमिका महत्त्वपूर्ण रहने बताए ।

नेपालगन्ज उपमहानगरपालिकाका निमित्त प्रमुख प्रशासकीय अधिकृत गोर्ख बहादुर थापाको अध्यक्षतामा भएको कार्यक्रममा जनस्वास्थ्य निरीक्षक राजन शाहीले रक्तजन्य रोगबारे सचेतना फैलाउन रोगसम्बन्धी आधारभूत जानकारी प्रदान गर्न अभिमुखीकरण कार्यक्रम गरिएको जानकारी दिए । शाखा प्रमुख जागेश्वर बस्नेतले स्वागत र विषयवस्तुबारे प्रकाश पारेको उक्त कार्यक्रममा नेपालगन्ज उपमहानगरपालिकाका जनप्रतिनिधि तथा विभिन्न सञ्चारमाध्यममा आबद्ध सञ्चारकर्मीहरूको सहभागिता रहेको थियो ।

प्रकाशित मिति: शनिबार, असार १३, २०८३ २२:२६

प्रतिक्रिया दिनुहोस्