'विपद् जोखिम न्यूनीकरणमा संस्थागत सहकार्य अपरिहार्य'

स्थानीय

गृहपृष्ठ
स्थानीय
'विपद् जोखिम न्यूनीकरणमा संस्थागत सहकार्य अपरिहार्य'

'विपद् जोखिम न्यूनीकरणमा संस्थागत सहकार्य अपरिहार्य'

बुधबार, असार १७, २०८३ बागेश्वरी पोस्ट

नेपालगञ्ज । सामाजिक विकास मञ्च (एसडीएफ) बाँकेको आयोजनामा विपद् व्यवस्थापनका क्षेत्रमा कार्यरत विभिन्न संघसंस्थाबीच समन्वयात्मक छलफल कार्यक्रम नेपालगञ्जमा सम्पन्न भएको छ । सेभ द चिल्ड्रेनको सहयोगमा नरैनापुर र राप्तीसोनारी गाउँपालिकामा सञ्चालन भइरहेको पूर्वानुमानमा आधारित पूर्व कार्य परियोजना (Anticipatory Action Project) अन्तर्गत आयोजित कार्यक्रममा विपद् जोखिम न्यूनीकरण, पूर्व तयारी र संस्थागत समन्वयलाई प्रभावकारी बनाउने विषयमा छलफल गरिएको थियो । उक्त परियोजनाका सम्पन्न गतिविधिबारे एसडीएफका निर्मल सुवेदीले प्रस्तुतिकरण गरेका थिए ।

कार्यक्रममा गैरसरकारी संस्था महासंघ बाँकेका अध्यक्ष मन भण्डारी तथा नेपाल पत्रकार महासंघ बाँकेका अध्यक्ष नवीन गिरीले विपद् व्यवस्थापनमा सरोकारवाला निकायबीच समन्वय, सूचना प्रवाह र साझेदारीलाई थप सुदृढ बनाउनुपर्नेमा जोड दिँदै मन्तव्य व्यक्त गरेका थिए । त्यसअघि विपद्का क्षेत्रमा क्रियाशील विभिन्न संघसंस्थाका प्रतिनिधिहरूले आफ्नो अनुभव, चुनौती र आवश्यक पृष्ठपोषण राखेका एसडीएफका फोकल पर्सन घनश्याम उपाध्यायले जानकारी दिए ।

संस्थाका अध्यक्ष चम्प सिंह थापा मगरको अध्यक्षतामा सम्पन्न कार्यक्रममा बोर्ड सदस्य राम श्रेष्ठले स्वागत मन्तव्य व्यक्त गरेका थिए ।

प्रकाशित मिति: बुधबार, असार १७, २०८३ २१:२७

प्रतिक्रिया दिनुहोस्