मनसुन पूर्व तयारी तथा व्यवस्थापन गोष्ठी सम्पन्न

स्थानीय

गृहपृष्ठ
स्थानीय
मनसुन पूर्व तयारी तथा व्यवस्थापन गोष्ठी सम्पन्न

मनसुन पूर्व तयारी तथा व्यवस्थापन गोष्ठी सम्पन्न

मंगलबार, असार २३, २०८३ बागेश्वरी पोस्ट

नेपालगन्ज । नेपाल रेडक्रस सोसाइटी बाँके जिल्ला शाखाको आयोजनामा मनसुन पूर्व तयारी तथा व्यवस्थापन गोष्ठी मंगलवार नेपालगंजमा सम्पन्न भएको छ । मनसुन सक्रिय हुनासाथ हरेक वर्ष जिल्ला शाखाले आफ्नो मातहतका निकायहरुलाई तयारी अवस्थामा रहन निर्देशन गर्दै आएको छ । उक्त गोष्ठीमा विपद् पूर्व तयारी तथा प्रतिकार्यका लागि स्वयंसेवक परिचालन, सर्वेक्षण, राहत सामग्री व्यवस्थापन, सूचना आदानप्रदान र स्थानीय तहसंगको निरन्तर समन्वय जस्ता विषयमा जानकारी गराइएको थियो ।

यसैगरी नेपाल रेडक्रस सोसाइटी बाँके अन्तर्गतका पालिका शाखा र उपशाखाहरुले पालना गर्नुपर्ने वैधानिक दायित्व, काम कर्तव्य तथा अधिकार र दृश्यात्मक एकता सम्बन्धमा जानकारी गराइएको थियो । उक्त गोष्ठीमा विषयगत समितिका संयोजक, नेरेसो पालिका शाखा र उपशाखाका प्रतिनिधिहरुको समेत सहभागिता रहेको थियो । नेरेसो बाँके शाखाका सभापति गोवर्धन सिंह सम्झनाको अध्यक्षतामा सम्पन्न कार्यक्रममा शाखाका मन्त्री अजीज अहमद सिद्धिकी, कोषाध्यक्ष राकेशबहादुर श्रीवास्तव, उपमन्त्री तथा संगठन तथा क्षमता विकास समितिका संयोजक तेजबहादुर सुवेदी, उपनिर्देश दोलखबहादुर डाँगी लगायतले विषयबस्तु सान्दर्भिक विचार राखेका थिए भने गोष्ठीको सहजीकरण नेरेसो बाँके शाखाका बरिष्ठ संगठन विकास अधिकृत निरञ्जना मल्ल, कार्यक्रम अधिकृत प्रहलाद विश्वकर्मा र लेखा अधिकृत झविलाल शर्माले गरेका थिए ।

प्रकाशित मिति: मंगलबार, असार २३, २०८३ १८:२१

प्रतिक्रिया दिनुहोस्