कोहलपुरमा वृहत् वृक्षारोपण अभियान सुरु, २ हजार ४ सय बिरुवा रोपिने

स्थानीय

गृहपृष्ठ
स्थानीय
कोहलपुरमा वृहत् वृक्षारोपण अभियान सुरु, २ हजार ४ सय बिरुवा रोपिने

कोहलपुरमा वृहत् वृक्षारोपण अभियान सुरु, २ हजार ४ सय बिरुवा रोपिने

आइतबार, असार २८, २०८३ बागेश्वरी पोस्ट

कोहलपुर । वातावरण संरक्षण, हरियाली प्रवर्द्धन तथा सामुदायिक वनको दिगो व्यवस्थापन गर्ने उद्देश्यले कोहलपुर नगरपालिका–९ स्थित उषा हरियाली सामुदायिक वन उपभोक्ता समूहको क्षेत्रमा आइतबार वृहत् वृक्षारोपण अभियान सुरु गरिएको छ । स्ट्यान्डर्ड चार्टर्ड बैंकको आर्थिक सहयोग, क्लिन अप नेपालको समन्वय तथा 8 Billion Trees Nepal का निर्देशक हेमन्तराज काफ्लेको व्यवस्थापनमा सञ्चालन गरिएको अभियान अन्तर्गत महुवा, अर्जुन, हर्रो, सतिसाल, आँवला, सितलचिनी, जामुन र खयर लगायत विभिन्न प्रजातिका २ हजार ४ सय बिरुवा रोपिने जनाइएको छ । अभियानको पहिलो चरण अन्तर्गत वृक्षारोपण गरी कार्यक्रमको शुभारम्भ गरिएको हो ।

कार्यक्रमका प्रमुख अतिथि लुम्बिनी प्रदेश सरकारका आन्तरिक मामिला तथा कानुन मन्त्री भण्डारीलाल यादवले वातावरण संरक्षण र हरियाली विस्तार वर्तमान समयको साझा दायित्व भएको उल्लेख गर्दै यस्ता अभियानले जलवायु परिवर्तनका चुनौती न्यूनीकरणमा महत्वपूर्ण योगदान पुग्ने विश्वास व्यक्त गरे । कार्यक्रममा लुम्बिनी प्रदेशसभा सदस्य अम्बिका काफ्ले, पूर्व अर्थ सचिव डा. कृष्णहरि बाँस्कोटा, नेपाली कांग्रेस बाँकेका जिल्ला सचिव सुधांशु कोइराला, बास नेपालका कार्यकारी निर्देशक नमस्कार शाह, सहनिर्देशक हेमराज भट्ट, लायन्सका पूर्व गभर्नर मधुसुदन शर्मा, नागरिक समाजका संयोजक कृष्णप्रसाद श्रेष्ठ, सामाजिक अभियन्ता मीन मल्ल, क्लिन अप नेपालका कार्यकारी निर्देशक रविन्द्र लामिछाने, परियोजना संयोजक प्रेमप्रकाश नेपाली, कोहलपुर नगरपालिका–९ का वडाध्यक्ष उपेन्द्रनाथ योगी लगायत जनप्रतिनिधि, वन डिभिजन कार्यालयका कर्मचारी, सामुदायिक वन उपभोक्ता तथा स्थानीयवासीहरूको उल्लेखनीय उपस्थिति रहेको थियो ।

प्रकाशित मिति: आइतबार, असार २८, २०८३ २०:४२

प्रतिक्रिया दिनुहोस्