सन्ध्या गुप्तालाई स्व. नयन राज रावल स्मृति सम्मान तथा पुरस्कार

स्थानीय

गृहपृष्ठ
स्थानीय
सन्ध्या गुप्तालाई स्व. नयन राज रावल स्मृति सम्मान तथा पुरस्कार

सन्ध्या गुप्तालाई स्व. नयन राज रावल स्मृति सम्मान तथा पुरस्कार

शुक्रबार, साउन २९, २०८३ बागेश्वरी पोस्ट

नेपालगञ्ज । दमयन्ती फाउन्डेशन नेपालका संस्थापक अध्यक्ष स्वर्गीय नयन राज रावलको १०औँ वार्षिक पुण्यतिथिको अवसरमा स्थापना गरिएको स्व. नयन राज रावल स्मृति सम्मान तथा पुरस्कार–२०८३ सन्ध्या गुप्तालाई प्रदान गरिएको छ ।

शैक्षिक तथा सामाजिक क्षेत्रमा पुर्‍याएको योगदानको उच्च कदर गर्दै आज गुप्तालाई उक्त सम्मान तथा पुरस्कार प्रदान गरिएको हो । पुरस्कारको राशी १० हजार १ रुपैयाँ रहेको छ ।

गुप्ता मंगल प्रसाद नमुना माध्यमिक विद्यालयमा प्रधानाध्यापक रूपमा कार्यरत छिन् । उनले शिक्षा तथा सामाजिक क्षेत्रमा पुर्‍याएको योगदानको सम्मानस्वरूप पुरस्कार र सम्मानपत्र प्रदान गरिएको आयोजकले जनाएको छ ।

स्व. रावलको स्मृतिमा स्थापना गरिएको उक्त सम्मान तथा पुरस्कार प्रत्येक वर्ष उनको पुण्यतिथिको अवसरमा प्रदान गरिँदै आएको रावलकी धर्मपत्नी एवम् दमयन्ती फाउन्डेशनका अध्यक्ष इन्दु रावलले बताइन् । रावलले गुप्तालाई दोसल्ला ओढाई सम्मानपत्रका साथ सम्मान गर्नुका साथै नगद पुरस्कार प्रदान गरेकी थिइन् ।

May be an image of one or more people, dais, temple and text

स्व. रावलको स्मृतिलाई जीवित राख्दै उनले देखाएको असल कर्म र सामाजिक सेवाको बाटोमा अघि बढ्न प्रेरणा लिनुपर्नेमा बक्ताहरुको जोड थियो । कार्यक्रममा गैरसरकारी संस्था महासंघ नेपालका केन्द्रिय सचिव नमस्कार शाह, जिल्ला अध्यक्ष मन भण्डारी, लेखक एवम् साहित्यकार नरेन्द्रजंग पिटर, किरण आचार्य, अग्रज पत्रकार झलक गैरे लगायतले बोलेको थिए ।
संस्थाका अध्यक्ष रावलले १०औं स्मृति दिवसको अवसरमा बास नेपालको भवन निर्माणार्थ केन्द्रिय अध्यक्ष शिव कुमार बर्मालाई रु. ११ हजार १ सय रुपैयाँ समेत प्रदान गरेकी थिइन् ।

प्रकाशित मिति: शुक्रबार, साउन २९, २०८३ १९:४०

प्रतिक्रिया दिनुहोस्