नेपालगञ्जमा छाडा पशुचौपाया नियन्त्रण अभियान निरन्तर

स्थानीय

गृहपृष्ठ
स्थानीय
नेपालगञ्जमा छाडा पशुचौपाया नियन्त्रण अभियान निरन्तर

नेपालगञ्जमा छाडा पशुचौपाया नियन्त्रण अभियान निरन्तर

सोमबार, भदौ १, २०८३ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले नगर क्षेत्रमा छाडा पशुचौपाया नियन्त्रण तथा व्यवस्थापन अभियानलाई निरन्तरता दिएको छ ।

उपमहानगरपालिकाले आज बिहान ६ बजेदेखि नगरका विभिन्न स्थानबाट ९ वटा गाई, बाच्छा, बाछी तथा गोरु र ६ वटा घोडा, घोडी तथा बछेरा गरी १५ वटा छाडा पशुचौपाया संकलन गरेको हो ।

संकलन गरिएका पशुचौपायालाई नेपालगञ्ज उपमहानगरपालिका–२१ बिर्तास्थित कान्जीहाउसमा व्यवस्थापन गरिएको छ । उपमहानगरपालिकाले नगरलाई छाडा पशुचौपायामुक्त बनाउने उद्देश्यले संकलन, नियन्त्रण र व्यवस्थापनको काम निरन्तर रूपमा गर्दै आएको नगर प्रहरी प्रमुख सूर्य बहादुर बोगटीले बताए ।

प्रकाशित मिति: सोमबार, भदौ १, २०८३ ११:२१

प्रतिक्रिया दिनुहोस्