दशै-तिहारमा सबैभन्दा बढी जुवाडेहरु कोहलपुरबाट पक्राउ

अर्थ

गृहपृष्ठ
अर्थ
दशै-तिहारमा सबैभन्दा बढी जुवाडेहरु कोहलपुरबाट पक्राउ

दशै-तिहारमा सबैभन्दा बढी जुवाडेहरु कोहलपुरबाट पक्राउ

बिहीबार, कात्तिक १४, २०७६ बागेश्वरी पोस्ट

undefined

नेपालगन्ज । चाडपर्बमा सबैभन्दा बढी जुवाडेहरुलाई कोहलपुर प्रहरीले पक्राउ गरेको छ। गएको दशैँ र तिहारकोमा जुवातास खेल्ने ६५ जना भन्दा बढी पक्राउ परेका छन् । बाँकेमा प्रहरीले जुवाडेसहित आठ लाख नगदसमेत बरामद गरेको छ। नेपालगन्ज लगायत आसपासका ठाँउ भन्दा जुवाखालबाट पक्राउ पर्नेमा कोहलपुर क्षेत्रका बढी रहेका छन् । इलाका प्रहरी कार्यालय कोहलपुरका प्रमुख प्रहरी नायव उपरीक्षक हेम बहादुर शाहीका अनुसार कोहलपुरमा मात्रै जुवा ऐन सम्बन्धी पाँचवटा मुद्दा दर्ता भएका छन् । पक्राउ परेका अधिकांशलाई पाँच हजार रुपैयाँदेखि पचास हजारसम्म जरिवाना गरी छोडिएको र केही व्यक्ति पटक पटक पक्राउ गरिएका रहेकाले उनीहरुलाई जुवा ऐन अनुसार मुद्दा दर्ताको तयारी भइरहेको उपरीक्षक शाहीले बताउनुभयो ।जुवातास खेल्नु खेलाउनु गैरकानुनी हो भन्दा भन्दै अटेरी गरेकोलाई कानुन बमोजिम कारबाही हुने पर्ने शाहीले बताए।