बाँकेका २१ जना आज कोरोनालाई जितेर फर्कदै

समाचार

गृहपृष्ठ
समाचार
बाँकेका २१ जना आज कोरोनालाई जितेर फर्कदै

बाँकेका २१ जना आज कोरोनालाई जितेर फर्कदै

शुक्रबार, जेठ ९, २०७७ नगेन्द्र प्रसाद आचार्य (एन.पी.)

नेपालगन्ज । नेपालगन्जका पहिलो कोरोना संक्रमित ६० वर्षीय पुरुषसहित २१ जना आज कोरोनालाई जितेर घर फर्किंदैछन् ।

खजुराको सुशील कोइराला प्रखर क्यान्सर अस्पतालको आइसोलेसन वार्डमा उपचाररत नेपालगन्ज उपमहानगरपालिका वडा नम्बर ७ का एक जना र ८ का २० जना कोरोना रिपोर्ट नेगेटिभ आएपछि डिष्चार्ज हुन लागेका हुन् ।

भेरी अस्पताल नेपालगन्जका मेडिकल सुपरिटेन्डेन्ट डा.प्रकाश बहादुर थापाले पहिलो संक्रमित ब्यक्तिको तेस्रो र अन्य २० जनाको दोस्रो रिपोर्ट नै नेगेटिभ आएकाले उनीहरुलाई डिष्चार्ज गर्न लागिएको जानकारी दिनुभयो । उनीहरुलाई विहान ९ बजे बिदाई गर्न लागिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

बाँकेमा पहिलोपटक बैशाख १९ गते १ जनामा कोरोना संक्रमण देखिए यता हालसम्म १ सय १ जनामा संक्रमण पुष्टि भएको छ । जसमध्ये १ जनाको क्वारेन्टाइनमा मृत्युु भएको थियो ।

प्रकाशित मिति: शुक्रबार, जेठ ९, २०७७ ०७:२६

प्रतिक्रिया दिनुहोस्