बर्दियामा नेटवर्किङ व्यापारमा ठगी गर्ने ४ जना पक्राउ

अर्थ

गृहपृष्ठ
अर्थ
बर्दियामा नेटवर्किङ व्यापारमा ठगी गर्ने ४ जना पक्राउ

बर्दियामा नेटवर्किङ व्यापारमा ठगी गर्ने ४ जना पक्राउ

शनिबार, कात्तिक १६, २०७६ बागेश्वरी पोस्ट

बर्दिया। जिल्ला प्रहरी कार्यालय बर्दियाले नेटवर्किङ व्यापारमा ठगी गर्ने ४ जनालाई पक्राउ गरि सार्बजनिक गरेको छ। पक्राउ परेका सबैजनालाई जिल्ला प्रहरी कार्यालय बर्दियाले शनिवार सार्वजनिक गरेको हो । ओरेञ्ज ग्लोबल मार्केटिङ प्रालि नामक बहुर्राष्ट्रिय कम्पनीमार्फत नेटवर्किङको नाममा ठगी गरेको आरोपमा जिल्लको गुलरिया नगरपालिका ४ बस्ने विवक थारु, सोही नपाको वडा नं ५ का हिमाल भन्ने प्रजय चौधरी, बारबर्दिया नपा ७ का दीपक चौधरी र राजापुर नपा ३ की आशा थारु रहेका छन् । आफूहरू ठगिएको भन्दै स्थानीय पाँच जनाले संयुक्तरुपमा दर्खास्त दिएका आधारमा आरोपितलाई पक्राउ गरेको जिल्ला प्रहरी कार्यालय बर्दियाका प्रहरी उपरीक्षक राजेशनाथ बाँस्तोलाले बताए । नेटवर्किङ व्यापारको अनुसन्धान गर्ने क्रममा कैलाली, कञ्चनपुर, बाँके, बर्दिया र दाङ जिल्लाका २०० सर्वसाधारणलाई नाकाबाट उद्धार गरिएको जिल्ला प्रहरी कार्यालय बर्दियाका प्रहरी उपरीक्षक राजेशनाथ बास्तोलाले बताए । प्रहरीले पक्राउ गरेका चारै जनाविरुद्ध ठगी मुद्दामा जाहेरी दर्ता गरी अनुसन्धान अगाडि बढाएको छ।

प्रकाशित मिति: शनिबार, कात्तिक १६, २०७६ १७:४५

प्रतिक्रिया दिनुहोस्