बाँकेका ५ आइसोलेसनमा अब २२ जना मात्रै

समाचार

गृहपृष्ठ
समाचार
बाँकेका ५ आइसोलेसनमा अब २२ जना मात्रै

बाँकेका ५ आइसोलेसनमा अब २२ जना मात्रै

शुक्रबार, असार २६, २०७७ बागेश्वरी पोस्ट

फाइल फोटो

नेपालगञ्ज । बाँकेमा अब पाँच वटा आइसोलेसनमा २२ जना मात्र कोराना संक्रमित रहेका छन् ।

खजुरा क्यान्सर अस्पतालमा ६, नेपालगञ्जको आदर्शनगर आइसोलेसनमा ६, कृषि विकास बैंक तालिम केन्द्र पिपिरीमा ८, नेरा प्रावि सर्री फत्तेपुरमा १ र आइसोलेसन सेन्टर बैजनाथमा १ जना रहेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।

जिल्लाका २ वटा आइसोलेसन बन्द गरिएको छ । नेपालगञ्जको लायन्स डेण्टल अस्पताल र खजुराको कृषि तालिम केन्द्रको आइसोलसन बन्द गरिएको हो । संक्रमित कम हुँदा अधिकांश आइसोलेसन खाली छन् ।

पछिल्लो समय संक्रमणदर निकै कम र निको हुनेको संख्या बढ्दा आइसोलन खाली हुँदै गएका हुन् । बाँकेमा हालसम्म ३ सय ७२ जनामा संक्रमण पुष्टि हुँदा ३ सय ४८ जना निको भएर घर फर्केका छन् । दुई जनाको भने मृत्यु भएको छ ।

प्रकाशित मिति: शुक्रबार, असार २६, २०७७ १३:२४

प्रतिक्रिया दिनुहोस्