बाँकेमा मापसे गर्ने चालकको अबदेखि फोटो खिचेर रेकर्ड राखिने

समाचार

गृहपृष्ठ
समाचार
बाँकेमा मापसे गर्ने चालकको अबदेखि फोटो खिचेर रेकर्ड राखिने

बाँकेमा मापसे गर्ने चालकको अबदेखि फोटो खिचेर रेकर्ड राखिने

मंगलबार, भदौ २३, २०७७ बागेश्वरी पोस्ट

नेपालगन्ज । बाँकेमा मापसे गरेर सडकमा सवारी साधन चलाउने चालकहरूको अबदेखि तस्वीरसहित ट्राफिक प्रहरीले रेकर्ड राख्ने भएको छ । ट्राफिक प्रहरीले बाँके जिल्लामा अत्याधुनिक ब्रेथलाइजरको सहयोगमा मापसे गरेका चालकहरुको जाँच गर्दै फोटो क्लिक गर्ने भएको छ। जिल्लामा अहिलेसम्म यस्तो मेसिन नभएको अबस्थामा ट्राफिक प्रहरीले अहिलेसम्म चालकको मुख सुँघेर मापसे गरे नगरेको पत्ता लगाउने गर्नु परेको तर अब यो मेसिनको चाडै प्रयोगमा ल्याई मापसे चेकजाँच गरिने जिल्ला ट्राफिक प्रहरी कार्यालय बाँकेका प्रमुख प्रहरी निरीक्षक पबिन्द्र बमले बताए । उक्त ब्रेथलाइजर मेसिनले चालकको तस्वीर खिच्ने र अल्कोहलको मात्रा समेत पत्ता लगाउने बमले बताए। आजमात्रै जिल्ला बिपद व्यवस्थापन समिति बाँकेको तर्फबाट प्रमुख जिल्ला अधिकारी रामबहादुर कुरुम्बाङले जिल्ला प्रहरी प्रमुख प्रहरी उपरीक्षक ओमबहादुर रानालाई आज तीन थान ब्रेथलाइजर हस्तान्तरण गरेका छन । जिल्ला प्रहरी कार्यालय बाँकेले तिनै थान अत्याधुनिक ब्रेथलाइजर मेसिन ट्राफिक प्रहरीलाई हस्तान्तरण गरेको पबिन्द्र बमले बताए।

प्रकाशित मिति: मंगलबार, भदौ २३, २०७७ १८:१४

प्रतिक्रिया दिनुहोस्