प्रदेश नम्बर ५ को प्रदेशसभा बैठकमा तनाव

समाचार

गृहपृष्ठ
समाचार
प्रदेश नम्बर ५ को प्रदेशसभा बैठकमा तनाव

प्रदेश नम्बर ५ को प्रदेशसभा बैठकमा तनाव

सोमबार, असोज १९, २०७७ बागेश्वरी पोस्ट

नेपालगञ्ज । प्रदेश नम्बर ५ को प्रदेशसभा बैठकमा तनाव भएको छ । प्रदेशसभा बैठकमा काँग्रेस सांसद्हरुले होहल्ला गर्दै संसद् अवरुद्ध गरेका छन् भने सो क्रममा कुर्सी तोडफोड समेत भएको छ ।

राजधानी दाङ बनाउने प्रस्ताव सरकारले प्रदेशसभामा पेश गरेपछि तनाव बढेको छ । सोही क्रममा प्रमुख प्रतिपक्षी दल कांग्रेसले आजको पहिलो बैठक पनि अवरुद्ध गरेको थियो । पहिलो बैठक अवरुद्ध भएपछि बोलाइएको दोस्रो बैठकमा थप तनाव उत्पन्न भएको हो ।

बैठकमा कांग्रेस सांसद्हरूले नाराबाजीसहित कुर्सी भाँचेका हुन् । काँग्रेसको नाराबाजी र तोडफोडका बीच पनि सभामुखले बैठक अघि बढाउनुभएको छ । कांग्रेसले आज बिहान सरकारले ल्याएको प्रस्ताव केही दिनलाई रोकेर सबै पक्षसँग छलफलपछि मात्रै अघि बढाउन आग्रह गरेको थियो ।

सो प्रस्तावमा नेकपाले असहमति जनाएपछि काँग्रेस रुष्ट बनेको हो ।

प्रकाशित मिति: सोमबार, असोज १९, २०७७ १५:५६

प्रतिक्रिया दिनुहोस्