महानायक राजेश हमाल नेपालगन्जमा

अर्थ

गृहपृष्ठ
अर्थ
महानायक राजेश हमाल नेपालगन्जमा

महानायक राजेश हमाल नेपालगन्जमा

मंगलबार, कात्तिक २६, २०७६ बागेश्वरी पोस्ट

नेपालगन्ज ।नेपाली चलचित्रका महानायक राजेश हमाल नेपालगन्ज आएका छन् । कार्तिक २० गतेदेखि सन्चाल भइरहेको सप्तरङ्ग सात प्रदेश सिजन २ संगीतमय मनोरञ्जनात्मक कार्यक्रम अन्तर्गत प्रदेश पाँचको कार्यक्रमका लागि राजेश हमाल लगायतको टिम सोमबार नै नेपालगन्ज आइपुगेको हो।

मंगलबार राजेश हमाल लगायत कलाकारको टिमले नेपालगन्ज स्थित कारकाँदोमा जगदम्बा मोर्टस अन्तर्गत टिभिएसको नयाँ शोरुमको उद्घाटन गरेको छ । गोर्खा इन्टरप्राइजेज यहाँको आधिकारिक टिभिएस शोरुम हो । शोरुम उद्घाटन गर्दै नायक हमालले आफु पनि प्रदेश पाँचको बासिन्दा भएको बताए। पाल्पामा जन्मिएका हमालले घरमा आएको अनुभूति भएको बताए ।

जगदम्बा मोटर्सका उपाध्यक्ष दिपक अग्रवालले देशभर टिभिएसको एक सय १ शोरुम र ३ सय बढी सर्भिस सेन्टर सन्चालनमा रहेको जानकारी दिए । उनले नेपालगन्जका सेवाग्राहीको पनि मन जित्ने दावी गरे । टिभिएसले प्रायोजन गरेको उक्त कार्यक्रमका लागि महानायक हमालसँगै हाँस्यकलाकार जितु नेपाल मुन्द्रे, गायक सुगम पोखरेल, रवि ओड, हिमाल सागर, गायिका मेलिना राई र सन्चारकर्मी नरेश भट्टराई पनि नेपालगन्ज आएका छन । प्रदेश पाँच अन्तर्गत नेपालगन्जमा हुने उक्त कार्यक्रम नेपालगन्जको रामलिला मैदानमा भएको छ ।

प्रकाशित मिति: मंगलबार, कात्तिक २६, २०७६ १५:१५

प्रतिक्रिया दिनुहोस्