कर्णाली प्रदेशका मुख्यमन्त्री शाहीविरुद्ध अविश्वास प्रस्ताव दर्ता

राजनीति

गृहपृष्ठ
राजनीति
कर्णाली प्रदेशका मुख्यमन्त्री शाहीविरुद्ध अविश्वास प्रस्ताव दर्ता

कर्णाली प्रदेशका मुख्यमन्त्री शाहीविरुद्ध अविश्वास प्रस्ताव दर्ता

आइतबार, असोज २५, २०७७ बागेश्वरी पोस्ट

कर्णाली प्रदेशका मुख्यमन्त्री महेन्द्रबहादुर शाही

सुर्खेत । नेकपाकै सांंसदहरुले आफ्नै मुख्यमन्त्री विरुद्ध अविश्वास प्रस्ताव दर्ता गरेका छन्। कर्णाली प्रदेशका मुख्यमन्त्री महेन्द्रबहादुर शाहीविरूद्ध उनकै दल नेपाल कम्युनिष्ट पार्टीका सांसदहरूले अविश्वास प्रस्ताव दर्ता गरेका छन्।

नेकपाबाट कर्णाली प्रदेशको प्रदेशसभामा ३३ जना सांसद छन् । आइतबार दिउँसो नेकपामा १८ जना सांसदले मुख्यमन्त्री शाहीविरूद्ध प्रदेश सभा सचिवालयमा अविश्वासको प्रस्ताव दर्ता गराएका हुन्। शाही पूर्वमाओवादीबाट मुख्यमन्त्री बनेका थिए। गठबन्धन गरेका तत्कालीन एमाले र माओवादीले बहुमत आएका ६ मध्ये ४ मा पूर्वएमाले र २ मा पूर्वमाओवादीलाई मुख्यमन्त्री बाँडेका थिए।

मुख्यमन्त्रीका दाबेदार रहेका पूर्वएमाले नेता यमलाल कँडेल र मुख्यमन्त्री शाहीबीच सुरूदेखि नै खटपट भइरहेको थियो।

कर्णाली प्रदेशसभामा रहेका ४० सदस्यमध्ये नेकपाका ३३ सदस्य छन् । संविधानको धारा १८८ अनुसार मुख्यमन्त्रीविरुद्ध प्रदेशसभामा एक चौथाइ सदस्यले अविश्वासको प्रस्ताव दर्ता गराउन सक्नेछन् ।