हैदराबादलाई हराउँदै चेन्‍नईद्वारा आइपिएलमा तेस्रो जीत दर्ता

खेलकुद

गृहपृष्ठ
खेलकुद
हैदराबादलाई हराउँदै चेन्‍नईद्वारा आइपिएलमा तेस्रो जीत दर्ता

हैदराबादलाई हराउँदै चेन्‍नईद्वारा आइपिएलमा तेस्रो जीत दर्ता

बुधबार, असोज २८, २०७७ एजेन्सी

यूएई । यूएईमा जारी इन्डियन प्रिमियर लिग (आइपिएल) क्रिकेटअन्तर्गत गएराति सम्पन्‍न खेलमा चेन्‍नई सुपर किङ्सले जीत हात पारेको छ । प्रतियोगितामा तेस्रो जीत हात पार्ने क्रममा उसले सनराइजर्स हैदराबादलाई २० रनले पराजित गर्‍यो ।

चेन्‍नईले दिएको १६८ रनको लक्ष्य पछ्याएको हैदराबादले पूरा २० ओभर खेल्दै ८ विकेटको क्षतिमा १४७ रन मात्र बनाउन सक्यो । हैदराबादका केन विलियमसनले ५७ रनको अर्धशतकीय पारी खेलेपनि टोलीको जीतका लागि पर्याप्त रहेन । त्यसैगरी ओपनर जोनी बेयरस्टोले २३ रन बनाए । चेन्‍नईका कर्ण शर्मा र ड्‍वेन ब्राभोले २ २ विकेट तथा साम करान रविन्द्र जडेजा र शार्दुल ठाकुरले १ १ विकेट लिए ।

यसअघि दुबईमा टस जितेर पहिले ब्याटिङ गरेको चेन्‍नईले निर्धारित २० ओभरमा ६ विकेट गुमाएर १६७ रन बनाएको थियो । चेन्‍नईका शेन वाट्सनले सर्वाधिक ४१ रन बनाउँदा अम्बाती रायुडुले ४१ तथा ओपनिङमा आएका साम करानले ३१ रन बनाए । हैदराबादका सन्दीप शर्मा खलील अहमद र टि नटराजनले २-२ विकेट लिए ।

जीतसँगै ८ खेलबाट ६ अंक बटुलेको चेन्‍नई अंकतालिकाको पाँचौ स्थानमा उक्लन सफल भएको छ भने पराजित हैदराबाद समान अंकसहित नेट रनरेटमा पछि पर्दै छैटौं स्थानमा छ ।

यी दुई टोलीबीच यसअघि भएको खेलमा भने हैदराबाद ७ रनले विजयी भएको थियो ।

प्रकाशित मिति: बुधबार, असोज २८, २०७७ ०७:०८

प्रतिक्रिया दिनुहोस्