कोहलपुर प्रहरीद्वारा बिप्लब समुहका जाजरकोट इन्चार्ज समातिए

राजनीति

गृहपृष्ठ
राजनीति
कोहलपुर प्रहरीद्वारा बिप्लब समुहका जाजरकोट इन्चार्ज समातिए

कोहलपुर प्रहरीद्वारा बिप्लब समुहका जाजरकोट इन्चार्ज समातिए

पक्राउ परेका वली बिरुद्ध एनसेल टावर लगायतका मुद्दा

शुक्रबार, कात्तिक २९, २०७६ बागेश्वरी पोस्ट

undefined

कोहलपुर । इलाका प्रहरी कार्यालय कोहलपुरले एनसेल टावरमा आगजनी गरेका नेकपा विप्लव समुहका जाजरकोट जिल्ला ईन्चार्जलाई पक्राउ गरेको छ।

पक्राउ पर्नेमा ४२ वर्षिय प्रेम प्रकाश वली रहेका कोहलपुर प्रहरी प्रमुख डिएसपी हेम बहादुर शाहीले बताए। उनलाई कोहलपुर वडा नम्बर २ सालको बुटा भन्ने ठाउँबाट कोहलपुर प्रहरीले नियन्त्रणमा लिएको हो ।पक्राउ परेका वली जाजरकोट नलगाड नगरपालिका वडा नं ५ रघुनाथका स्थानिय बासिन्दा हुन् ।

वली जाजरकोटमा विभिन्न मितिमा एनसेल टावरमा आगजनी तथा तोडफोड, जबरजस्ति चन्दा असुल जस्ता कृयाकलापमा संलग्न रहेको आरोपमा जिल्ला प्रहरी कार्यालय जाजरकोटमा भौतिक संरचना बिनास, राज्यबिरुद्धको अपराध, र चन्दा असुल सम्बन्धी कसुरमा मुद्दा चलाई फरार रहेका व्यक्ति भएको र उनि सग अनुसन्धान भइरहेको ईलाका प्रहरी कार्यालय कोहलपुरका प्रमुख डएसपी शाहीले बताए।

प्रकाशित मिति: शुक्रबार, कात्तिक २९, २०७६ २०:३९