कोहलपुरमा प्रतिबन्धित जडिबुटीसहित तीन जना पक्राउ

अर्थ

गृहपृष्ठ
अर्थ
कोहलपुरमा प्रतिबन्धित जडिबुटीसहित तीन जना पक्राउ

कोहलपुरमा प्रतिबन्धित जडिबुटीसहित तीन जना पक्राउ

शनिबार, कात्तिक ३०, २०७६ बागेश्वरी पोस्ट

कोहलपुर । कोहलपुरबाट प्रहरीले प्रतिबन्धित जडिबुटीसहित तीन जनालाई पक्राउ गरेको छ। कोहलपुर नगरपालिका वडा नं. ११ लोकनगरबाट ३ किलो ७ सय ३० ग्राम पाँच ओले जडीबुटीसहित कालीकोट पचाल झरना गाउँपालिका ५ का ४६ वर्षीय अग्र बम, जुम्लाको हिम गाउँपालिका वडा नं. ६ बस्ने ३६ वर्षीया हेम अधिकारी र कोहलपुर ११ बस्ने ५४ वर्षीय विश्वबहादुर शाही पक्राउ परेका हुन् । ५ नं. प्रदेश प्रहरी कार्यालय अनुसन्धान ब्युरो दाङ र इलाका प्रहरी कार्यालय कोहलपुरबाट गएको टोलीले शनिवार दिउँसो खानतलासी गर्दा उनीहरुको साथबाट उक्त परिमाणको प्रतिबन्धित जडीबुटी बरामद भएको प्रहरीले जनाएको छ । पक्राउ परेका तीनै जनालाई आवश्यक अनुसन्धानका लागि इलाका प्रहरी कार्यालय कोहलपुरमा राखिएको प्रहरी नयाब उपरीक्ष हेमबहादुर शाहीले जानकारी दिए । पक्राउ परेका सबै जनाको अनुसन्धान भइरहेको छ।

प्रकाशित मिति: शनिबार, कात्तिक ३०, २०७६ १८:२८

प्रतिक्रिया दिनुहोस्